افغانستان ژورنالیستلر، سۉنگّی ییگیرمه ییل ایچیده مملکتده کمیده ۱۳۰کیشی خبرچی اۉلدیریلگن، بیراق جزادن آزادلیک فرهنگی حکم سورگنی سبب بو حالتلرنینگ۹۰ فایزی قانون و عدالت اساسیده تېرگاو قیلینمهگنینی معلوم قیلدی.
مرکز بوگون (یکشنبه، ۱۱عقرب)«ژورنالیستلرگه قرشی جنایتلر اوچون جزاسیزلیککه برهم بېریش خلقارا کونی» مناسبتی بیلن عدالتنی تأمینلش و ژورنالیستلر نینگ حقوقلریگه رعایه اېتیشنی طلب قیلگن.
افغانستان ژورنالیستلر مرکزینینگ قۉشیمچه قیلیشیچه، طالبان حاکمیتنی اېگهلهگن کېیینگی تۉرت ییل ایچیده ژورنالیستلر و عامهوی اخبارات خادملریگه قرشی۶۴۰ ته حقوق بوزرلیک حالتی قید اېتیلگن. بو رقملر ایچیده۵ ته اۉلدیریش و۲۶۵تهحبسگه آلیش حالتی موجود.
بیاناتده ایتیلیشیچه، طالبان نهفقط یېتکرمهلرگه باسیمنی کوچهیتیرگن، بلکه مملکتدن چیقیب کېتگن ژورنالیستلرنی آبروسیزلنتیریش اوچون آنلاین پلاتفورملردن هم فایدهلنگن.
مرکزنینگ آگاهلنتیرگنیچه، جزادن آزادلیک فرهنگی نینگ دوام اېتیشی، شونینگدېک کوچهییب بارهیاتگن تهدیدلر و چېکلاولر، جمعیت و مملکت ترقیاتی اوچون آغیر عاقبتلرگه آلیب کېلهدی.
اولر طالباننی ژورنالیستلرنینگ اساسي حقوقلریگه حرمت کۉرسهتیشگه، ژورنالیستلر و عامهوی اخبارات واسطهلری خادملریگه قرشی جنایت قربانلری اوچون عدالتنی تأمینلشگه، همده یېتکرمهلر اېرکینلیگیگه قۉییلگن کېنگ چېکلاولرنی بېکار قیلیشگه چقیرگن.
طالبان حاکمیتگه قَیتگنیدن بېری یېتکرمهلر فعالیتیگه قطعي چېکلاولر جاري قیلگن، کۉپلب عامهوی اخبارات واسطهلری دفترلرینی یاپگن و ژورنالیستلرنی حبسگه آلگن یاکه قهمهگن.
