فاریاب ولایتینینگ اندخوی اولسواللیگیده شاعرلر، یازوچیلر، آقسقاللر، محصللر و یاشلر اشتراکی بیلن اۉزبېک تیلینینگ ملی کونی بیرهمی نشانلندی
انه شو مناسبت بیلن بوگون (یکشنبه ۱۱عقرب) اندخوی شهریده اویوشتیریلگن محفلده فاریاب، جوزجان، بلخ و باشقه ولایتلریدن هم بیلیم یورتی استادلری و مهمانلر اشتراک قیلگن اېدیلر.
مراسمده بیلیم یورت استادلری، شاعرلر یازوچی و فرهنگی شخصیتلری چیقیلیش قیلیب، اۉزبېک تیلینینگ ملی کونی و بو سنه تورلی برنامهلر اویویشتیریلیشی بیلن نشانلهنیشی اهمیتی اوستیده هر تامانله صحبت قیلدیلر.
شونینگدیک محفلده چقیش قیلیب نطق سۉزلهگن استادلر همده فرهنگیلر، اۉزبېک تیلینینگ اوزاق اۉتمیشدهگی تاریخی و بوگونکه اۉرنی اوستیده تۉختهلیب، افغانستانده یشاوچی قوملرنینگ بیرلیک و بیردملیگی حقیده اورغولهدیلر.
عین حالده مراسمده صحبت قیلگنلر اۉزبېک شاعر و یازوچیلرینینگ اثرلری قۉشیمچه مکتبلرده درس اۉقیتیلهدیگن اۉزبېکچه کتابلر منتظم چاپ قیلینیب ترقهتیلیشی بارهسیده علیحده تاکیدلهدیلر.
مراسمده تورلی مکتبلرنینگ اۉقووچیلری آرقلی تیلی کونی مناسبتی بیلن تیارلنگن شعرلر، ترانهلری الهلر اجرا قیلیندی.
اوشبو محفل جریانیده اۉزبېکلرنینگ ملی طعامی بولیمش تورلی خیل آوقتلر، قدیمگی بویوم و اوسکونهلر، کییم- کیچیکلر، تاواق و ایدیشلر کورستووگه قۉییلدی.
