طالباننینگ احصائیه و معلومات ادارهسی نینگ معلوم قیلیشیچه، جاري قویاش ییلی نینگ میزان آییده افغانستانده آزیق-آوقت و باشقه محصولاتلری نینگ نرخی ایکّی فایزدن کۉپراققه آشگن.
اوشبو اداره یکشنبه (۱۱ عقرب) کونی اعلان قیلگن بیاناتیده ایتیشیچه، آزیق آوقت محصولاتلری نرخی ۲.۵حصولاتلری اېسه ۲.۲فایزگه آشگن.
احصائیه و معلومات ادارهسینینگ قۉشیمچه قیلیشیچه، معلوماتلر شونی کۉرسهتهدیکی، سوت محصولاتلری۲.۸فایزگه، تورلی خیل قوروق و ینگی مېوهلر۱۳.۱فایزگه، آزیق-طعام زیروارلری اېسه۲.۵ فایزگه قیمتی آشگنی معلوم قیلینهدی.
تاوهرلری بۉییچه اېسه کییم-کېچک نرخی۳.۲فایزگه، اوی-جای خرجتلری۳ فایزگه، ترانسپورت اېسه۳.۶ فایزگه آشگن.
مذکور اداره آزیق-طعام و باشقه محصولاتلری نرخینینگ آشیش سببلری حقیده معلومات بېرمهگن، بیراق میزان آیینینگ اۉرتهلریده طالبان و پاکستان اۉرتهسیده تۉقنهشوولر باشلنگن همده ایکّی مملکت چېگرهلری یاپیلگن اېدی.
نرخلرنینگ آشیشی افغانستانده کمبغللیک و ایشسیزلیک کېسکین کۉپهیگن بیر پیتگه تۉغری کېلماقده. طالبان حاکمیتنی قَیته قۉلگه کیریتگنیدن سۉنگ، مملکت اهالیسی نینگ یرمیدن کۉپراغی انسانپرورلیک یاردمگه محتاج بۉلیب قالگن.
