قندهاردهگی محلي منبعلرنینگ ایتیشیچه، پاکستاننینگ چمن چېگرهسیده۱۵ کون دوامیده قالیب کېتگن ایکّی باله و بیر عیال افغانستانگه قَیتگچ، کسللیک و آچلیک سبب وفات اېتگن.
منبعلرنینگ معلوم قیلیشیچه، بو شخصلر بوگون (شنبه، ۱۰ عقرب) قندهار نینگ تختهپل اولسواللیگیگه قرهشلی «انزرگی» منطقهسیده حیاتدن کۉز یومگنلر.
هلاک بۉلگن ایکّی بالهنینگ عایلهسی۱۵ کون دوامیده چمن چېگرهسیده تیقیلیب قالگن، سۉنگره نهایت سپین بولدک آرقهلی افغانستانگه کیرگن، بیراق بالهلر آچلیکدن جان بېرگنی ایتیلهدی.
منبعلرگه کۉره، بو بالهلر ایکّی و اوچ آیلیک بۉلگن.
شونینگدېک، منبعلر وفات اېتگن عیال هم چېگرهنینگ نریگی تامانیده اوزاق قالیب کېتگنی سبب آغیر کسللیککه چهلینگنینی قۉشیمچه قیلگن.
منبعلرنینگ قۉشیمچه قیلیشیچه، چمن بندریده ینه بیر افغان باله یېرگه ییقیلیب، هلاک بۉلگن.
پاکستان طالبان بیلن تۉقنهشوولردن سۉنگ افغانستان بیلن برچه چېگره اۉتیش جایلرینی یاپگن، اما شونگه قرهمهی، افغانستانلیک مهاجرلرنی مجبورن چیقریش جریانی کېسکین دوام اېتگن.
یقینده سپین بولدک چېگرهسی و بوگون اېسه تورخم چېگرهسی فقط مهاجرلرنینگ افغانستانگه قَیتیشی اوچون آچیلگن.
