بیرلشگن ملتلر تشکیلاتینینگ بالهلرنی قۉللب-قوّتلش صندیغی (یونیسف) نمایندهسی تاجالدین اویواله، افغانستان دنیادهگی اېنگ آغیر آزیق-طعام بحرانلریدن بیری بیلن یوزمه-یوز تورگنینی معلوم قیلدی.
او ایکس اجتماعي صفحهسیده 3.5میلیون باله آغیر آزوقه تنقیصلیگیدن اذیت چېکماقده، شونینگدېک1 میلیون باله جدّي حالده آزیب کېتگن و حیات اوچون خوف آستیده دېیه یازگن.
یونیسف نمایندهسینینگ سۉزلریگه کۉره، «بو حالتنینگ آلدینی آلیش ممکن. برقرار مالي یاردم و عیال طبیات خادملرینینگ فعالیتی انسان حیاتینی سقلب قالیشی و بالهلرنینگ کېلهجگینی حمایه قیلیشی ممکن.»
بوندن آلدین، بیرلشگن ملتلر تشکیلاتینینگ انسانی یاردملرنی موافقلشتیرووچی اداره (اوچا) هم افغانستان دنیادهگی اېنگ یامان آچرچیلیک بحرانلریدن بیرینی باشدن کېچیرهیاتگنینی بیلدیردی.
اوچانینگ معلوماتلریگه کۉره،9.5 میلیون کیشی جدّي آزیق-طعام تنقیصلیگیدن اذیت چېکماقده و هر بېش کیشیدن بیری کېینگی طعامینی قهیېردن تاپیشینی بیلمهیدی.
طالباننینگ حاکمیتگه قَیتیشی و کوچهیگن قورغاقچیلیک مملکتده قشّاقلیک نینگ کېسکین آرتیشیگه آلیب کېلدی.
بیرلشگن ملتلر تشکیلاتینینگ معلوماتیگه کۉره، افغانستانده22 میلیوندن آرتیق انسان بشری یاردمگه محتاج، بیراق خلق ارا یاردم حجمی کمهیماقده.
شو بیلن بیرگه، اقتصادي وضعیت تاباره آغیرلشهیاتگن بیر پیتده، قۉشنی دولتلر افغانستان مهاجرلرینی قَیتریشنی باشلهگن فقط شو ییلنینگ اۉزیده ایران و پاکستاندن ایکّی میلیوندن آرتیق افغان مهاجر وطنیگه قَیتگن.
