پاکستان یېتکرمهلرینینگ خبر بېریشیچه، پاکستان هیاتی و طالبان اۉرتهسیدهگی مذاکرهلر تورکيهنینگ استانبول شهریده قَیته باشلنماقده.
جیو نیوز بوگون (پنجشنبه ۸ عقرب) پاکستانلیک منبعلرگه تهیهنیب یازیشیچه، مذاکرهلر تورکيه حکومتی ایستگیگه بناً ینه دوام اېتتیریلهدی.
حاضر افغانستانده طالبان نظارتی آستیدهگی افغانستان ملي تلویزیونی هم مذاکرهلر نینگ قَیته باشلنیشینی تصدیقلهگن.
منبعگه کۉره، استانبولدهگی اوّلگی اوچرهشوو «پاکستاننینگ منطقسیز طلبلریگه» کۉره نتیجهسیز یکونلنگندی.
طالبان و پاکستان اۉرتهسیدهگی مذاکرهلر شو هفتهنینگ باشیده استانبولده باشلنگن، بیراق اوچ کون دوام اېتگن اوچرهشوولر هېچ قندهی یوتوقسیز توگهگن اېدی.
اساسي کېلیشماوچیلیک تحرک طالبان پاکستان (تیتیپی) حرکتی اطرافیده یوزهگه کېلگن. پاکستان طالباندن تیتیپی افغانستان حدودیدن پاکستانگه قرشی هجوملر اویوشتیرمسلیگیگه کفالت بېریشنی سۉرهماقده، بیراق طالبان بو مسألهنی پاکستاننینگ ایچکی معماسی دېب حسابلب، تیتیپی فعالیتی اولرنینگ حاکمیتگه قَیتیشیدن آلدین هم موجود بۉلگنینی تأکیدلهماقده.
