پاکستانده یشهیاتگن افغان قاچقینلری گروهی مدنی جماعهچیلیک تشکیلاتلری بیلن بیرگهلیکده افغانستانلیک قاچقینلرنینگ مجبوري چیقریب یوباریلیشینی تۉختهتیش طلبی بیلن خلق ارا تشکیلاتلرگه مراجعتنامه یوباردی.
بو خط بیرلشگن ملتلر تشکیلاتی قاچقینلر بۉییچه عالي کمیسارلیگی(یواناچسیآر)، بیرلشگن ملتلر تشکیلاتی انسان حقوقلری بۉییچه عالي کمیسارلیگی (اواچسیاچآر) اروپا اتفاقی و اسلام همکارلیک تشکیلاتی (اوآیسی) کبی خلق ارا ادارهلرگه یوباریلگن.
نامه یازگنلر سۉنگی پیتلرده پاکستان حکومتی و طالبان اۉرتهسیدهگی کېسکینلیک کوچهیگنی سببلی افغانستان قاچقینلریگه نسبتاً باسیم آرتگنینی بیلدیرگنلر.
اولر ۱۹۵۱ییلگی قاچقینلر مقامی تۉغریسیدهگی کانوانسیونگه تیهنگن حالده، پاکستان حکومتینی مجبوري قاچقینلرنی قَیتریشنی تۉختهتیشگه چقیرگنلر.
نامهده، قاچقینلرنینگ احوالیدن سیاسي مقصدلرده فایدهلنیلمسلیگی کېرهکلیگی تأکیدلنگن.
شونینگدېک، اولر تېنگ یششگه لیاقتلی و خوفسیز دولتلرگه تېزراق کۉچیریش جریانینی جدللشتیریشنی سۉرهگنلر.
پاکستان ۲۰۲۳-ییل آخریدن باشلب افغان مهاجر و قاچقینلرنی مملکتدن چیقریشنی باشلهگن اېدی.
بیرلشگن ملتلر تشکیلاتی معلوماتلریگه کۉره، بو رېجه باشلنگنیدن بویان بیر یریم میلیوندن آرتیق افغان وطنداشی پاکستاندن چیقریلگن یاکه چیقیشگه مجبور بۉلگن.
اولر نینگ آرهسیده طالبان تهدیدیدن قاچیب، افغانستان حکومتی قولهگچ پاکستانگه پناه تاپگن قاچقینلر هم بار.
