کېچه آلماننینگ هامبورگ شهریده بیر قنچه فرهنگیلر، شاعرلر، یازوچیلر، فرهنگسېور شخصیتلر، مدنی فعاللر، عیاللر و یاشلر آرقلی اۉزبېک تیلینینگ ملی کونی طنطنهلی محفل اۉتکزیلیشی بیلن نشانلندی.
هامبورگده «اۉزبېکلرنینگ مدنی و فرهنگی اویوشمهسی» تامانیدن یکشنبه دوشنبهگه اۉتکر کېچهسی یۉلگه قۉییلگن بو محفلده بیر قنچه فرهنگیلر، یازوچیلر و عیاللر چیقیش قیلیب ۲۹ میزان، اۉزبېک تیلینینگ ملی کونی حقیده صحبت قیلگنلر.
محفلده سۉزگه چیققنلر اۉزبېک تیلی و چېت اېلده فرهنگی شخصیتلر اشتراکیده بوندهی فرهنگی برنامهلرنی اۉتکزیش اوستیده تۉختهلیب؛ «اۉزبېک تیلی فقط گینه علاقه قوریش بیر وسیله اېمس، بلکه غربتده اۉزبېک خلقینینگ فرهنگی و تاریخی علاقهلرینینگ بیر نمونهسی دېب تیلگه آلگنلر
شونینگدېک ییغین سۉزلاوچیلری سیاسی و فرهنگی هویت سقلنیشی اوچون اوزبیک تیلینینگ رولی، تیل علاقهلری سقلنیشی بۉییچه مهاجر نسلنینگ قیینچیلیکلری و اوزبیک تیلینی رواجلنتیریش اوچون شاعر و یازوچیلرنینگ آغیر مسوولیتی حقیده کوپراق دېیه تاکیدلهگنلر.
ییغینده تانیقلی اۉزبیک صنعتچی سهراب ایلیار اۉز چیرایلی اجرالری بیلن محفلگه گۉزللیک بغیشلهگن. بوندن تشقر یاشلر تامانیدن تیل بیرهمی مناسبتی بیلن یرهتیلگن شعرلر اۉقیب اېشتتیریلدی.
شو کبی مذکور فرهنگی ییغینده اۉزبېکلرگه تېگیشلی طعاملر، لباسلر، اوی بویوملری و تقینچاق کبی قدیمی نیرسهلر کۉزگرمهگه قۉییلگن.
