طالبان حرکتینینگ سۉزلاوچیسی ذبیحالله مجاهد بو گروه هیاتی بیلن پاکستان هیاتی اۉرتهسیدهگی مذاکرهلر تورکيهنینگ استانبول شهریده اوچینچی کون هم دوام اېته یاتگنینی بیلدیردی.
او، طالبان نظارتی آستیدهگی ملی تلویزیونیگه بیرگن صحبتیده، بیز مذاکرهلرنینگ نتیجهلرینی کوتماقدهمیز دېگن. عموماً آلگنده، طالبان بحث یۉلینی قۉللب-قوّتلهیدی، چونکه معمالر و مسألهلر شو یۉل بیلن حل قیلینهدی.
مجاهد، شونینگدېک، اگر هر قندهی تاماندن افغانستانگه تجاوز بۉلسه یاکه مملکت حدودي دخلسیزلیگی بوزیلسه، اۉخشش جواب قَیتریلهدی و افغانلرنینگ اۉزینی حمایه قیلیش حقوقی سقلنهدی دېیه آگاهلنتیرگن.
طالبان و پاکستان اۉرتهسیدهگی مذاکرهلر شنبه کونی استانبولده باشلنگن اېدی.
پاکستان یېتکرمهلرینینگ خبر بېریشیچه، مذاکرهلرده پاکستان ستیزهجویی فرامرزی جنگریلیک مسألهسیده «انیق، دلیللرگه اساسلنگن و یېچیمگه یۉنهلتیریلگن» طلبلرینی افغانستانلیک طالبانگه یېتکزگن. اما طالباننینگ همکارلیکدن باش تارتیشی و قرشیلیک کۉرسهتیشی اولر نینگ صمیميلیگیگه شبهه اویغاتگن.
جیونیوز خبریگه کۉره، پاکستان اۉزینینگ یکوني موضعینی طالبانگه بیلدیریب، پاکستانگه قرشی هجوم اویوشتیرهیاتگن جنگریلرگه باشپناه یاکه مُراضات کۉرسهتیش قبول قیلینمهیدی.
گزارش، مذاکرهلرنینگ ایکّینچی باسقیچی دوامیده اسلام آباد طالبلردن افغانستان حدودیده فعال ترور ترماقلرینی یۉق قیلیش اوچون انیق و قطعي چارهلر کۉریشنی طلب قیلگنی اورغولنگن.
امنیتی منبعلرنینگ ایتیشیچه، طالبلرنینگ ملاقاتدهگی دلیللری «منطقسیز و میداندهگی حقیقتلردن اوزاق» بۉلگن، بو اېسه اولرنینگ منطقوي برقرارلیککه اېریشیش بارهسیدهگی ارادهسی بارهسیده شبههلرنی کوچهیتیرگن.
منبعلر، تورکيه حاضرده طالبانگه پاکستاننینگ دلیللرینی و خواطرلرینینگ اهمیتینی توشونتیریش آرقهلی بو تفاوتنی کمهیتیریشگه اورینماقده.
شونگه قرهمهی، مذاکرهلرده هر قندهی ایجابي سیلجیش شونگه باغلیقکی، طالبلر جدّي حرکت قیلهدی و حاضرگی قطعیتلی (لجاجت) موضعیدن واز کېچهدیمی یاکه یۉق.
