غزنی ولایتیده کابل–قندهار یۉلیده یوز بېرگن ترافیکحادثهسی عاقبتیده تۉرت کیشی هلاک بۉلگن، ینه ۱۶ کیشی یرهلنگن.
طالباننینگ غزنی ولایتی امینه قوماندانلیگینینگ معلوم قیلیشیچه، حادثه بوگون (یکشنبه، ۴عقرب) قرهباغ اولسواللیگینینگ عسکرکوت منطقهسیده یوز بېرگن. اونده هایلکس روسوملی موتر مازداموتری بیلن تۉقنهشگن.
منبعگه کۉره، هایلکس موتریدهگی تۉرت یۉلاوچی هلاک بۉلگن، مازدا موتریدهگی۱۶ کیشی جملهدن عیاللر و بالهلر اېسه آغیر و یېنگیل یرهلنگن.
طالباننینگ ولایت ولایت امینه قوماندانلیگی، مازدا موتری دیپورت قیلینگن مهاجرلرنی قوندوز ولایتیگه آلیب کېتهیاتگنده حادثهگه رۉپه ره بۉلگنینی بیلدیردی.
جراحتلنگنلر غزنی ولایت ملکی شفاخانهسیگه دوالنیش اوچون آلیب باریلگن.
حادثهگه سبب بۉلگن عامللر حقیده حاضرچه معلومات بېریلمهگن.
اما تېزلیکنی آشیریش، یۉللر معیاری بۉلمهگنی و یۉل بېلگیلرینینگ یۉقلیگی مملکتدهگی ترافیک حادثهلرینینگ اساسي سببلری صفتیده تیلگه آلینهدی، بو حادثهلر هر ییلی یوزلب انسانلرنینگ حیاتیگه ضامن بۉلماقده.
فقط کېچه، تۉرت ولایتده کمیده آلتی ترافیک حادثهسی رۉی بېریب، ۱۱کیشی هلاک بۉلگنی حقیده خبر بېریلگن اېدی.
