افغانستانلیک اۉسمیر قیز و قیزلر تعلیمی فعالی نیلا ابراهیمي ۲۰۲۵ییل اوچون بیرلشگن ملتلر تشکیلاتینینگ برقرار ترقیات مقصدلری بۉییچه ۱۷ نفر یاش یېتکچی قطاریگه کیریتیلدی.
بیرلشگن ملتلر تشکیلاتی یاشلر بۉلیمینینگ معلوم قیلیشیچه، بو یاش یېتکچیلر۱۵۰ مملکتدن یوباریلگن۳۳ مینگدن آرتیق عریضه آرهسیدن تنلب آلینگن.
رسمي بیاناتگه کۉره، تنلنگن یېتکچیلر ۱۶ یاشدن ۳۳ یاشگچه بۉلیب، اولر آرهسیده تشکیلات اساسچیلری، اجتماعي فعاللر، تینچلیک یرهتووچیلر، تدبیرکارلر و ایجادکار یاشلر بار.
بیرلشگن ملتلر تشکیلاتی یاشلر ادارهسینینگ قۉشیمچه قیلیشیچه، بو یاش یېتکچیلر جنسیت تېنگلیگی، انسان حقوقلری، اقلیم اۉزگریشی، تینچلیک و گلابل خوفسیزلیک کبی برقرار ترقیات نینگ اساسي یۉنهلیشلریده فعالیت یوریتهدیلر.
بیرلشگن ملتلر تشکیلاتی باش کاتبینینگ یاشلر مسألهلری بۉییچه اۉرینباسری فیلیپه پالیه« ۲۰۲۵ ییلگی برقرار ترقیات مقصدلری اوچون یاش یېتکچیلر گروهی بوتون دنیاده حقیقي اۉزگریشلر یرهتهدیگن یاشلرنینگ جسارتی، ایجادی و صداقتی نینگ تمثالی دیر» دېدی.
او، «بو یاش یېتکچیلر نهفقط بوگونگی گلابل معمالرگه جواب بېریشماقده، بلکه کېلهجکنی هم فعال روشده شکللنتیریشماقده» دېب قۉشیمچه قیلدی.
کناداده استقامت قیلووچی افغان قیز نیلا ابراهیمي قیزلرنینگ تعلیم آلیش حقوقی یۉنهلیشیده تنیقلی فعال بۉلیب، «اونینگ حکایهسی» ناملی تشکیلاتگه باشچیلیک قیلهدی.
او، اۉتگن ییلی خلق ارا «بالهلر تینچلیگی» موسسهسی آرقلی بالهلر تینچلیک خلق ارا مکافاتی بیلن تقدیرلنگن اېدی.
