بیبیسی اۉزبېکچه خذمتینینگ اجتماعی ترماقلریده بیلدیریلگن معلوماتیگه کۉره، بوگون (جمعه۲عقرب)دن باشلب بیبیسی تلویزیونینینگ یایینلری تۉختهتیلهدی.
بیبیسی اۉزبېک تیلیده ینگیلیکلر، گزارشلر و برنامهلرنی بېریش جریانی بوندن سکّیز ییل آلدین باشلنگن اېدی. بیبیسی اۉزینینگ دالضرب ینگیلیلری، تحلیلی، فرهنگی، مدنی و تاریخی برنامهلری بیلن افغانستانلیک اۉزبېکلر خانهدانیگه کیریب بارگن تلویزیون سنهلردی.
بیبیسی تلویزیونینینگ اۉزبیک تیلیدهگی دستورلری تۉخهتیلیشی تۉغریسیدهگی خبر حقیده بو یېتکرمهنینگ روژنالیستلریدن بیری فضل احمد یالغوز بیبیسینینگ اجتماعی ترماغی آرقهلی قیلگن چیقیشده انیقلیک بیردی.
اونگه کۉره، تلویزیوننینگ بوتون دستورلری بوندن کېین فعالیتی دیجیتال تلویزیون (فیسبوک، یویتوب، ایکس، انستاگرام)کبی اجتماعی ترماقدهلرده سابقدن کۉره یخشی بیر طرزده آلیب باریلهدی دېدی.
باشقه تاماندن مذکور تلویزیوننینگ فعالیتی تۉختهتیلشی خصوصیدهگی خبرلر اجتماعی ترماقلرده افغانستانلیک اوزبیک فرهنگی و مدنی شخصیتلری آرقهلی کېنگ کۉلملی عکس العمللرگه رۉپه ره بۉلدی.
مسالهیوزهسیدن «افغانستان تورکلری مدنی واجتماعی اویوشمه لری» بیر بیانات چیقریب «بیبیسی اۉزبیک بۉلیمی سۉنگّی ییللر دوامیده میلیونلب اۉزبېکلر اوچون مستقل، ایشانچلی و خلق ارا منبعلردن بیری اېدی» دېیه تاکیدلهگن.
«افغانستان تورکلری مدنی واجتماعی اویوشمهلر» بوگونکه کونده افغاستانده سۉز همده مطبوعات اېرکینلیگی قتّیق چېکلنگن بیر حالده بیبیسی مسووللری تامانیدن بوندهی بیر قرار آلینیشنی ناتۉغری دېب، بو یېتکرمه مسووللریدن تلویزیون یایینلری قیتهتیکلهنیشینی سۉرهگنلر.
