دنیا بانکینینگ معلوم قیلیشیچه، ۳۱-اگوست افغانستاننینگ شرقي ولایتلریده یوز بېرگن ۶ رسشترلی زلزله بنالر و آستقورمهلرگه تخمیناً ۱۸۳میلیون امریکا دالری مقداریده تۉغریدن-تۉغری ضرر یېتکزگن.
مذکور برآورد «اوزاق مصافهدن بهالش» اصولی آرقهلی عملگه آشیریلگن بۉلیب، تۉغریدن-تۉغری اقتصادي ضررنی حسابلشگه اساسلنگن مۉدلدن فایدهلنگن.
دنیا بانکینینگ گزارشیگه کۉره، عمومي اقتصادي ضرر ۱۸۳ میلیون دالر بۉلیب، بو افغانستان نینگ ۲۰۲۳ مالی ییلی یلپی ایچکی محصولاتینینگ بیر فایزیدن آرتیغینی تشکیل اېتهدی.
ضرر نینگ ۸۷ فایزی کنر و ننگرهار ولایتلریگه تۉغری کېلهدی. برآوردگه کۉره، کنرده ۱۳۴.۷ دالر، ننگرهارده اېسه ۴۲.۶ میلیون دالر ضرر قید اېتیلگن.
دنیا بانکی، تورر جای بنالری اېنگ کۉپ ضرر کۉرگن (عمومي ضررلر نینگ ۳۵فایز اطرافیده)، اوندن کېین ناتورر بنالر و اېکینچیلیک انشااتلری جای آلگن دېب ایتگن.
گرازشده قید اېتیلیشیچه، زلزله حدودلریدهگی کۉپلب اویلر تاش و لایدن قوریلگنی، همده تام آغیر بۉلگنی طفیلی جوده ضعیف بۉلگن.
شونینگدېک، ساغلیقنی سقلش و تعلیم ساحهلری هم ضرر کۉرگن، بو اېسه اساسي خدمتلرنینگ کۉپلب حدودلرده ایزدن چیقیشیگه سبب بۉلگن.
دنیا بانکینینگ افغانستاندهگی مدیری فاریس حداد-زرووس، «دنیا بانکی شرقي ولایتلرده یوز بېرگن ویرانکار زلزلهدن کېین افغانستان خلقی بیلن بیردملیکده دېدی. بیزنینگ اوستوار مقصدیمیز همکارلریمیز بیلن بیرگهلیکده فوقالعاده یاردم، تیکلنیش و اوزاق مدتلی برداشلیلیکنی قۉللب-قوّتلشدیر.»
دنیا بانکی، زلزلهدن بیر نېچه کون اۉتیب، ۱۵میلیون دالر مبلغنی ضررلنگن حدودلرگه فوقالعاده یاردم صفتیده اجرهتگنینی هم بیلدیرگن.
اگست آیینینگ آخریده یوز بېرگن بو هلاکتلی زلزله کنر و ننگرهار ولایتلرینی قتّيق لرزهگه کېلتیرگن، تخمیناً ۲مینگ کیشی حیاتدن کۉز یومگن، و بو ۱۹۹۸- ییلدن بېری افغانستاندهگی اېنگ هلاکتلی زلزله بۉلگن.
دنیا بانکی حساب-کتابلریگه کۉره، بو زلزله ۵۰۰ مینگدن ۱.۳ میلیونگچه اهالیگه جدّي تأثیر کۉرسهتگن.
