افغانستانده بیرلشگن ملتلر تشکیلاتینینگ نمایندهلیگی (یوناما) بیرلشگن ملتلر تشکیلاتینینگ تشکیل تاپگن کونی ۲۴-اکتبر مناسبتی بیلن اعلان قیلگن بیاناتیده ایتیشیچه، افغانستان بوگون چوقور معمالر بیلن یوزمه-یوز توریبدی.
بیاناتده تأکیدلنیشیچه، افغانستاندهگی انسانی بحران دنیادهگی اېنگ آغیر بحرانلردن بیری بۉلیب قالماقده. اهالینینگ قریب اوچدن ایکّی قِسمی انسانپرورلیک یاردمی احتیاجیده، بیراق مالي یاردم نینگ کمهییشی بو احتیاجلرگه جواب بېریشنی خوف آستیگه قۉیماقده.
یوناما شونینگدېک، طالبان باشقرووی آستیده افغان عیاللر و قیزلرنینگ احوالی تاباره آغیرلشیب بارهیاتگنینی قید اېتگن.
اولرنینگ سۉزلریگه کۉره، طالباننینگ تعلیم، ایش و جماعت حیاتیدهگی اشتراکگه قۉیگن چېکلاولری عیاللرنینگ اساسي حقوقلرینی همده مملکت کېلهجگینی ضعیفلشتیرماقده.
طالبان قیزلرنینگ آلتینچی صنفدن یوقاری اۉقیشینی و عیاللرنینگ ایشلشینی منع اېتگن. بوندن تشقری، اولر عیاللر و قیزلرنینگ اېرکین حرکتلنیشیگه همده جماعت حیاتیده قتنهشیشیگه هم قطعي چېکلاولر جاري اېتگن.
یوناما، افغان مهاجرلرینینگ قَیتیشی مملکتدهگی باسیمنی ینه-ده آشیرگن دېب قۉشیمچه قیلگن. شو بیلن بیرگه، اقلیم اۉزگریشلری اهالینینگ ضعیفلیگینی کوچهیتیریب، قورغاقچیلیک، سېل و یشش محیط بوزیلیشلر آزیق-طعام خوفسیزلیگی همده تیریکچیلیک منبعلریگه سلبي تأثیر کۉرسهتماقده.
بیرلشگن ملتلر تشکیلاتی باش کاتبینینگ افغانستان بۉییچه مخصوص وکیلی اۉرینباسری و یوناما سرپرستی جورجیت گانیون
«افغانستاننینگ برقرارلیک و برقرار رواجلنیش یۉلی یالغیز باسیب اۉتیب بۉلمهیدیگن یۉل دیر» دېیه اورغولهگن.
اونینگ ایتیشیچه، منطقوي همکارلیک، خلق ارا ملاقات و دیپلوماتيک یۉلیدهگی عمومي صداقت ضرور حسابلنهدی.
بیرلشگن ملتلر تشکیلاتینینگ افغانستاندهگی انسانی ایشلر بۉییچه کوریناتوری اندریکا راتواته اېسه خلق ارا همجعیتنی اۉزینینگ قۉللب-قوّتلاوی و بیردملیگینی ینگیلشگه چقیرگن.
