افغانستان اوچون بریتانیانینگ مخصوص نمایندهسی ریچارد لیندسی کابلگه سفریده طالبان قاچقینلر ایشلری بۉییچه وزیری مولوی عبدالکبیر بیلن اوچرهشیب ملاقات قیلگن.
طالبان مهاجرلر وزیرلیگی بوگون (پنجشنبه ۱عقرب) بیر اعلامه نشر قیلیب، لیدندسی جنابلری بو اوچرهشووده طالبان و پاکستان اۉرتهسیده آتیش کېسین اعلان قیلینگنینی خوش قرشیلیب، دایمی اۉت آچیش تۉختهتلیشی اوچون هر ایکّی تامان همکارلیگینی سۉرهدی دېگن.
طالبان و پاکستان بیر هفتهلیک قوراللی تۉقنشوولردن سۉنگ جاری هفته باشلریده قطر و تورکیه واسطهچیلیگی بیلن آتیش کېسین بۉییچه کېللیشووگه قول قۉیدیلر.
شونینگدېک هر ایکّی تامان مذکور آتیش کېسین و اونینگ تفصیلاتی بارهسیده گپیریش مقصدیده شنبه کونی تورکیهنینگ استانبول شهریده مذاکره قیلیشی ریجهلنتیریلگن.
قاچقینلر ایشلر بۉییچه وزیرلیک همده بریتانیا مخصوص نمایندهسی افغانستانگه قیتیب کېلهدیگن قاچقینلر وضعیتی بارهسیده هم بحث قیلگنلر.
باشقه تاماندن مولوی عبدالکبیر بریتانیا قۉشیمچه باشقه دولتلردن اولکهگه قیتیب کېلهدېگنلرگه شهرچه قوریش و افغانستالیک احتیاجمند کیشیلرگه کمک قیلیشلرینی طلب قیلدی.
بریتانیا مخصوص نمایندهسی، مملکتی افغانستان شرقیده یوز بیرگن زلزلهدن زیان کۉرگنلرگه تۉرت میلیون پوند یاردم کۉرستگن و بو قبیل انسان پرورلیک کمکلر دوام اېتهدی دیب ایشانچ بیرگن.
