طالبان اۉتگن یېتّی کون ایچیده حلی هم اۉزبېکستاننینگ آلیب کېلینگن برق انرژیسینی قیته تیکلهی آلمهگنی سبب، کابل شهری و مملکت نینگ ینه ۱۰ ولایتی هنوزگچه قرانغوده قالماقده.
برشنا شرکتی باشلیغی عبدالباری عمر کېچه (سهشنبه، ۲۹ میزان) ایکس صحیفهسیده «تخنیکي همکارلریمیز کېچه-کوندوز ایش آلیب بارماقده، اما سوو سطحی یوقاری بۉلگنی سبب ایش احتیاطکارلیک بیلن عملگه آشیریلماقده» دېب یازگن.
عمر، «انشااالله معما تېز آرهده حل اېتیلهدی دېب قۉشیمچه قیلدی.»
اۉزبېکستاننینگ ۲۲۰ کیلوولتلی برق اوزهتیش لینی اۉتگن هفته پنجشنبه کونی آمو دریا یۉنهلیشیده تخنیکي قیینچلیک باعث اوزیلیب قالگن اېدی.
شوندن سۉنگ، «برشنا» شرکتی دوشنبه کونی اعلان قیلگن بیاناتیده، ترمیملش ایشلری دېیرلی یکونلنگنینی و لین قیته تیکلنیشینی وعده قیلگن اېدی، بیراق بو وعده بجریلمهدی.
شرکت باشلیغینینگ سۉزلریگه کۉره، اۉزبېکستاندن کېلهیاتگن لینلردن بیری آمو دریا بۉیلب اوزیلگن و شو سببدن اونی تیکلش مرکّب و خوفلی جریان حسابلنهدی.
نتیجهده، کابل پایتختی قۉشیمچه ۱۰ ولایت کېسکین برق تنقیصلیگی و اوزاق مدتلی اوزیلیشلردن اذیت چېکماقده.
