جهان ساغلیقنی سقلش تشکیلاتی، اروپا اتفاقی افغانستانده ساغلیقنی سقلش خدمتلرینی رواجلنتیریش اوچون بیر میلیون یورو مقداریده یاردم اجرهتگنینی معلوم قیلدی.
تشکیلات بوگون (سهشنبه، ۲۹میزان) اعلان قیلگن بیاناتیده ایتیشیچه، اوشبو قۉشیمچه مبلغ عوضیگه اۉزینینگ ساغلیقنی سقلش ساحهسیدهگی فوقالعاده جواب چارهلرینی کېنگهیتیرهدی، اینیقسه یاردمگه محتاج جماعهلر و قَیتگن کیشیلرگه حیاتنی سقلب قالووچی خدمتلرنی کۉرسهتیشگه اعتبار قرهتهدی.
تشکلاتنینگ معلوماتیگه کۉره، اوشبو مبلغ بیلن بیرگهلیکده اروپا اتفاقی نینگ ۲۰۲۵-ییل می آییدن بویان افغانستان ساغلیقنی سقلش ساحهسیگه اجرهتگن تۉپلم یاردمی ۷ میلیون یوروگه یېتگن.
تشکیلات، افغانستان طبيعي آفتلر، اهالی نینگ کۉچیریلیشی و کسللیکلرنینگ ترقهلیشی کبی مرکّب انسانی معمالرگه دوچ کېلهیاتگن بیر پیتده، آنهلر سلامتلیگی، جراحتلر بۉییچه یاردم و کسللیکلرنینگ آلدینی آلیش اېنگ دالضرب اوستوار یۉنهلیشلر بۉلیب قالماقده دېب تاکیلدهگن.
اروپا اتفاقی نینگ یاردمی طفیلی او نظارت گروهلرینی جایلشتیریش آرقهلی یوقوملی کسللیکلر اوستیدن کوزهتوونی کوچهیتیرهدی، طبي واسطهلر تأمیناتینی یخشیلهیدی و قَیتگن یشاوچیلرگه یاردم کۉرسهتیشدهگی موافقلشتیریشنی مستحکملهیدی دېدی تشکیلات.
«اروپا اتفاقینینگ بو قۉشیمچه یاردمی هېچ کیم، حتی اېنگ آلیس یاکه بحرانلی منطقهلردهگی انسانلر هم اعتباردن چېتده قالمسلیگینی تأمینلهیدی. بو، ساغلیقنی سقلش بو امتیاز اېمس، انسان حقوقی اېکنینی ینه بیر بار تصدیقلهیدی.»
اروپا اتفاقینینگ افغانستاندهگی یاردملر ادارهسی باشلیغی فرانسوا گومنز «بیز افغانستان ساغلیقنی سقلش تیزیمینینگ برداشلیگینی بو قیین دورده هم قۉللب-قوّتلشگه صادقمیز. تشکیلات بیلن همکارلیگیمیز آرقهلی بیز اېنگ محتاج انسانلرگه، اینیقسه طبيعي آفتلردن ضرر کۉرگن و آلیس حدودلردهگی اهالیگه ضرور طبي خدمتلر یېتیب باریشینی تأمینلهیمیز. بو یاردم آنهلر و بالهلر سلامتلیگی، روحي سلامتلیک، جراحتلر پرورشی، آزیقلنیش و کسللیکلرگه تیارگرلیکنی اوستوار قیلهدی.»
تشکیلاتنینگ معلوماتیگه کۉره، اروپا اتفاقی نینگ مالی یاردمی بیلن عملگه آشیریلهیاتگن دستلبکی لایحه چهارچوبهسیده۴۱ ته بیرلمچی طبي یاردم مرکزی، ۴ ته عیاللر و توغروق شفاخانهسی، همده تورخم و سپینبولدک چېگره اۉتیش جایلریده۲ ته شاشیلینچ مرکزلری فعالیت یوریتماقده.
معلوماتلریگه کۉره، ۱۴/۳ میلیون افغان اهالیسی بودجه یېتیشمسلیگی، طبي مرکزلرنینگ یاپیلیشی و عیال طبیات خادملرینینگ تنقیصلیگی سبب ضرور طبي خدمتلردن فایدهلنه آلمهیپتی.
تشکیلات اروپا اتفاقینینگ افغانستانده ساغلیقنی سقلش خدمتلرینی قۉللب-قوّتلشدهگی دایمي یاردمیگه منّتدارچیلیک بیلدیریب، بو یاردم بوتون مملکت بۉیلب موافقلشتیریلگن و ثمرهلی ساغلیقنی سقلش خدمتلرینی مستحکملشینی تأکیدلهگن.
