جاپان پارلمانی سانائه تاکایچی مملکت نینگ ینگی باش وزیری اېتیب سهیلهدی. بو جاپان تاریخیده ایلک بار عیال شخص باش وزیرلیک لوازمینی اېگهللشی دېمک دیر.
سانائه تاکایچی، حکمران لیبرال-دېموکراتیک حزبینینگ یېتکچیسی صفتیده، جاپان نینگ نوآوری حزبی بیلن ینگی ائتلافی حکومت توزهدی.
اناچکی خبریگه کۉره، تاکاچی سهشنبه کونی کېچقورون امپراطور تامانیدن تعیینلنگچ، رسماً حاکمیتنی اۉز قۉلیگه آلهدی. شوندن سۉنگ او اۉزینینگ باش وزیر صفتیدهگی بیرینچی مطبوعات انجمنینی اۉتکزیشی کوتیلماقده.
اناچکینینگ خبر بېریشیچه، ینگی باش وزیر اۉزینینگ اساسي رقیبی بۉلگن کویزومی شینجیرو مدافعه وزیری لوازمیگه تعیینلهگن. اونینگ ینه بیر رقیبی، هایاشی یوشیماسا، ایچکی ایشلر و علاقه وزیری صفتیده حکومت ترکیبیده بۉلهدی.
تاکاچی، شونینگدېک، حکمران حزبنینگ سابق باش کاتبی موتِگی توشیمیتسو تشقی ایشلر وزیری اېتیب تعیینلش، و ایلگری منطقوي تیکلنیش وزیری بۉلیب ایشلهگن کاتایاما ساتسوکی مالیه وزیری لوازمیگه تعیینلش قرارینی قبول قیلگن.
