پاکستان اخبارات و نشریات وزیرلیگینینگ معلوم قیلیشیچه، طالباننینگ عادي اوچووچیسیز درونی مملکت هوا حدودیگه کیرگنیدن سۉنگ درحال انیقلنیب، اوریب توشیریلگن.
وزیرلیکنینگ فاکتلرنی تېکشیریش بۉلیمی بوگون (جمعه،۲۹ جوزا) نشر قیلگن بیاناتده درون خیبر پختونخوا ایالتینینگ خیبر اولسواللیگی «شینکو» منطقهسیده اوریب توشیریلگنینی بیلدیرگن.
پاکستان اخبارات و نشریات وزیرلیگی طالبان مدافعه وزیرلیگی نینگ خیبر پختونخوا و بلوچستان ایالتلریدهگی داعش مرکزلریگه هجوم قیلینگنی حقیدهگی دعواسینی رد اېتگن.
وزیرلیک بیاناتیده ایتیلیشیچه، داعش و باشقه ترورچی گروهلرنینگ لاگېرلری طالبان نظارتیدهگی حدودلرده جایلشگن بۉلیب، عیناً شو حدودلردن باشقریلهدی و قۉللب-قوّتلنهدی.
طالبان مدافعه وزیرلیگی بوگون ترقهتگن بیاناتیده گروه نینگ هوا کوچلری خیبر پختونخوا و بلوچستاندهگی «داعش مرکزلری»گه ضربه بېرگنینی معلوم قیلگن اېدی.
وزیرلیک اوشبو هجوملرده «آلدیندن بېلگیلنگن مهم نشانلر موفقیتلی یۉق قیلینگنینی» دعوا قیلگن.
طالبان نینگ پاکستاندهگی «داعش مرکزلری»گه قرشی دعوا قیلینگن هجوملری پاکستان نینگ خوست، کنر و پکتیکا ولایتلریگه اویوشتیرگن هوا هجوملریدن تخمیناً اۉن کون اۉتیب عملگه آشیریلگن.
طالبان معلوماتلریگه کۉره، اۉشه هجوملرده کمیده۱۳نفر تینچ اهالی، جملهدن۱۱ نفر باله هلاک بۉلگن و ینه ۱۴ کیشی یرهلنگن. بیراق پاکستان اخبارات و نشریات وزیرلیگی هجوملرده۲۶ نفر پاکستان طالبانی (تیتیپی) اعضاسی اۉلدیریلگنینی دعوا قیلگن.
پاکستان رسميلری تحریک طالبان پاکستان (تیتیپی) رهبرلری و اعضالری افغانستانده جایلشگنینی همده افغانستان حدودیدن فایدهلنیب پاکستانگه قرشی هجوملر اویوشتیرهیاتگنینی تأکیدلهیدی. طالبان اېسه بو دعوالرنی رد اېتیب، افغانستان توپراغیدن باشقه دولتلرگه قرشی فایدهلنیشگه هېچ بیر گروهگه رخصت بېریلمسلیگینی ایتهدی.
بونگه جوابن طالبان افغانستان اوستیدن نظارتنی قۉلگه آلگنیدن کېین داعش مملکت ایچیده باستیریلگنینی، اونینگ قوماندانلیک و تیارگرلیک مرکزلری اېسه پاکستانگه کۉچیریلگنینی دعوا قیلماقده.
