طالبلرنینگ ایچکی ایشلر وزیری سراجالدین حقانی، وزیرلیک مسووللریدن محرّم آییده عزا مراسملریده قتنهشهیاتگنلرنینگ خوفسیزلیگینی تأمینلش اوچون ضرور چارهلرنی کۉریشنی طلب قیلدی.
طالبالر ایچکی ایشلر وزیرلیگینینگ سۉزلاوچیسی عبدالمتین قانع بوگون (چهارشنبه، ۲۷ جوزا) نشر قیلگن بیاناتیده بو مسأله وزیرلیک رهبریتی ییغیلیشیده بحث قیلینگنینی معلوم قیلدی.
حاضرچه طالبلرنینگ شیعه عزادارلری خوفسیزلیگینی تأمینلش اوچون قندهی انیق چارهلر کۉریشی معلوم اېمس.
بوندن آلدین افغانستان شیعه علمالری کېنگشی طالباندن محرّم آییدهگی دیني مراسملر خوفسیزلیگینی کفالتلشنی سۉرهگن اېدی.
طالبلر افغانستانده حاکمیتنی قَیته اېگهلهگنیدن بویان محرّم مراسملریگه نسبتاً کېنگ چېکلاولر جاري قیلگن. اَیریم ولایتلرده عزا بیراقلری آلیب تشلنگن، عزا کاروانلریگه قرهته اۉق اوزیلگن و بیر قطار عزادارلر حبسگه آلینگن حالتلر کوزهتیلگن.
هجري 1448-ییل محرّم آیی کېچه باشلنگن بۉلیب، شو بیلن بیرگه افغانستاننینگ اَیریم حدودلریده شیعهلر عزا مراسملرینی هم باشلهگن.
شو پیتگچه محرّم مراسملری بیلن باغلیق خوفسیزلیک حادثهلری حقیده رسمي معلومات بېریلمهگن.
