طالبلرنینگ فراه ولایتیدهگی محلي مسووللرینینگ معلوم قیلیشیچه، فراه رود اولسواللیگیده ایکّی یېنگیل موترنینگ تۉقنهشووی عاقبتیده۳ کیشی جان بېرگن و ینه۱۱ کیشی یرهلنگن.
حادثه بوگون (یکشنبه،۲۴ جوزا) توش پیتیده هرات–قندهار عمومی قتناو یۉلیده یوز بېرگن.
طالبلرنینگ فراه امنیه قوماندانلیگی معلوماتیگه کۉره، هایلکس روسوملی موتر فولدر روسوملی موتر بیلن تۉقنهشگن. عاقبتده۳ کیشی، جملهدن بیر عیال و بیر باله هلاک بۉلگن، ینه۱۱ کیشی تن جراحتی آلگن.
حادثه نینگ کېلیب چیقیش سببلری حقیده حاضرچه معلومات بېریلمهگن.
بو سۉنگّی۲۴ ساعت ایچیده قید اېتیلگن اوچینچی هلاکتلی ترافیک حادثهسی حسابلنهدی.
تیناوون توشدن کېین نیمرۉز ولایتیده زرنج شهری بیلن دلرام اولسواللیگی اۉرتهسیدهگی یۉلده حرکتلنهیاتگن فلدر موتر یۉلدن چیقیب کېتیب اغدریلگن. اوشبو حادثه عاقبتیده۵ کیشی هلاک بۉلگن و۳ کیشی جراحتلنگن اېدی.
شونینگدېک، کېچه کېچقورون غزنی ولایتی مرکزیده ۵۸۰ روسوملی یۉلاوچی موتر بیلن «تیلر» توریدهگی یوک موتری تۉقنهشیب کېتیب، 2 کیشی نینگ اۉلیمیگه و۲۹ کیشی نینگ جراحتلنیشیگه سبب بۉلگن.
افغانستانده ترافیک حادثهلرینینگ اساسي سببلری صفتیده هیداوچیلرنینگ احتیاطسیزلیگی، تېزلیکنی آشیریب یوباریش، یۉل حرکتی قاعدهلریگه رعایه قیلمسلیک همده یۉللرنینگ یامان حالتی کۉرسهتیلهدی. بوندهی حادثهلر هر ییلی یوزلب انسانلرنینگ حیاتیگه ضامن بۉلماقده.
