ایراننینگ کرمان ولایتیده صادر بۉلگن ترافیک حادثهسی عاقبتیده ایکّی کیشی افغانستان وطنداشی جان بېری، ینه یېتّی کیشی جراحت آلدی.
کرمان ولایتی قیزیل یریم آی جمعیتی ادارهسی رضا فلاح نینگ معلوم قیلیشیچه، حادثه بوگون (شنبه،۲۳ جوزا) رېگان بم یۉلی نینگ بېش کیلومتر قِسمیده یوز بېرگن.
اونینگ ایتیشیچه، افغانستان وطنداشلری آلیب کېتهیاتگن «پژو۴۰۵» روسوملی موتر یۉلدن چیقیب کېتیب، اغدریلیب کېتگن.
رضا فلاح شوندهی دېدی: «اوشبو حادثهده تۉقّیز کیشی جبرلنگن. افسوسکی، ایکّی کیشی واقعه جاییده هلاک بۉلگن، ینه یېتّی کیشی تورلی درجهده تن جراحتی آلگن.»
حادثه نینگ انیق سببی حقیده حاضرچه معلومات بېریلمهگن.
افغانستان فقرالری نینگ ناقانوني مهاجرت یۉللری آرقهلی ایرانگه سفرلری دوامیده صادر بۉلهدیگن ترافیک حادثهلری منتظم روشده قربانلر آلیب کېلماقده. بوندهی حادثهلر نینگ اکثریتی ایران حدودیده یوز بېرهدی.
