پنجشیر ولایتیدهگی محلي منبعلر طالبلر کوچلری اوشبو ولایت نینگ دره تومنیده تۉرت کیشی تینچ اهالینی حبسگه آلگنینی معلوم قیلدی.
منبعلرگه کۉره، مذکور شخصلر تیناوون (جمعه،۲۲ جوزا) دره تومنی نینگ عبداللهخیل دره حدودیده قۉلگه آلینگن.
آلینگن معلوماتلرگه کۉره، حبسگه عزیز الرحمان اوغلی ملک جی، عزیزالرحمان اوغلی احمدجان، غلام حید اوغلی غلام اکبر محمداکبر اوغلی مالک اسملی شخصلردیر.
محلي منبعلر نینگ ایتیشیچه، طالبان اوشبو کیشیلرنی عیناً قندهی عیبلاو بیلن حبسگه آلگنی حاضرچه معلوم اېمس.
طالبان افغانستانده حاکمیتنی قَیته قۉلگه کیریتگنیدن بویان پنجشیرلیک کۉپلب یاشلرنی بیر نېچه بار حبسگه آلیب، قماققه تشلهگن. اَیریم حاللرده اولر طالبانگه قرشی قوراللی مخالف گروهلر بیلن علاقهدارلیکده عیبلنیب قۉلگه آلینگن و قماققه حکم قیلینگن.
طالبان اۉز باشقروو تیزیمینی «اسلامي تیزیم» دېب اتهیدی. گروه اۉزینی شریعتگه عمل قیلهیاتگنینی تأکیدلهیدی.
بیراق تنقیدچیلر و اَیریم دیني متخصصلر نینگ فکریچه، طالبلر جاري اېتگن کۉپلب چېکلاولر باشقه مسلمان مملکتلریده اوچرهمهیدی و اولر دینی سیاسي مقصدلرده سوءاستعمال قیلیشده عیبلنماقده.
