رویترز اخبارات آژانسی نینگ خبر بېریشیچه، امریکا حکومتی افغانستان، ایران و سوريه کبی بیر قطار دولتلر وطنداشلرینی مرکزي افریقاگه دېپورت قیلیشنی رېجهلشتیرماقده.
پنجشنبه کونی (۲۱ جوزا) اعلان قیلینگن حساباتگه کۉره، ناقانوني یۉللر آرقهلی امریکاگه کیرگن و مملکتده یشش حقوقینی آلمهگن مهاجرلر مرکزي افریقاگه دېپورت قیلینهدی.
مسألهدن خبردار بۉلگن بیر عملدار رویترزگه شوندهی دېگن: «کېلهسی هفته عملگه آشیریلهدیگن مرکزي افریقاگه ایلک دېپورت آرقهلی افغانستان و سوريهدن بۉلگن 20 نفر مهاجر کۉچیریلهدی.»
اونینگ ایتیشیچه، دېپورت قیلینگن شخصلر بنگی شهریدهگی کورتیرهلرده سقلنهدی.
مهاجرلر حقوقلرینی حمایه قیلووچی بیر وکیل رویترزگه شوندهی دېگن: «مهاجرلر اۉز مملکتلریگه یاکه تعقیب، حبسگه آلیش و زۉرآورلیک خوفی موجود بۉلگن جایلرگه قَیتریلیشی ممکنلیگیدن خواطرلر موجود.»
بیراق حکومت عملداری: «مهاجرلر نینگ مرکزي افریقادن درحال اۉز مملکتلریگه قَیتریلیشی کوتیلمهیپتی»، دېب تأکیدلهگن.
اقش حکومتی تۉغریدن-تۉغری وطنییگه قَیتره آلمهیدیگن مهاجرلرنی دېپورت قیلیش مقصدیده اوچینچی دولتلر، جملهدن مرکزی افریقا کنگو بیلن مذاکرهلر آلیب بارماقده.
حتا اَیریم خبرلرده امریکا السیلیه قطر سهقلنهیاتگن افغان باشپناه ایزلاوچیلرنی هم کانگوگه کۉچیریشنی رېجهلشتیرهیاتگنی ایتیلگن.
اما اقش کانگرسی نینگ 80 نفردن آرتیق اعضاسی امریکا تشقی ایشلر وزیری مارکو روبیو، یۉلهگن مکتوبیده اوشبو رېجهنی تۉختهتیش همده اونینگ حقوقي اساسلری و تخنیکي تفصیلاتلرینی آچیقلشتیریشنی طلب قیلگن.
