طالبلرنینگ خوست ولایتی امنیه قوماندانلیگینینگ معلوم قیلیشیچه، ولایت مرکزیده گاز بالونی پارتلشی عاقبتیده بیر کیشی هلاک بۉلگن، ینه ایکّی کیشی جراحت آلگن.
ولایت امنیه قوماندانلیگی بیاناتیگه کۉره، پارتلش بوگون (سهشنبه،۱۹جوزا) اېرتهلب ساعت ۵:۰۰ اطرافیده خوست شهرینینگ «لکنو بازار» حدودیده صادر بۉلگن.
بیاناتده ایتیلیشیچه، گاز بالونی پارتلشیدن کېین یانغین یوزهگه کېلگن و بو نینگ نتیجهسیده تخمیناً۱۵۰ مینگ افغاني مقداریده مادّي ضرر یېتگن.
طالبان امنیه قوماندانلیگی اۉلگن شخصنینگ جسدی همده جراحتلنگنلر خوست ولایت شفاخانهسیگه آلیب باریلگنینی بیلدیرگن.
حاضرچه پارتلش نینگ انیق سببی حقیده معلومات بېریلمهگن.
