پکتیکا ولایتینینگ طالبلر امنیه قوماندانلیگی معلوماتیگه کۉره، اوشبو ولایتنینگ برمل اولسواللیگیده آغیر قورال نینگ اۉقی پارتلشی عاقبتیده یېتّی کیشی، جملهدن بېش باله هلاک بۉلگن، ینه تۉرت باله جراحت آلگن.
ولایت امنیه قوماندانلیگینینگ بیاناتیده ایتیلیشیچه، پارتلش تیناوون (دوشنبه، ۱۸ جوزا) ساعت ۶:۳۰ اطرافیده برمل اولسواللیگینینگ «دانگر لیگد» منطقهسیده یوز بېرگن.
اونگه کۉره، پارتلش اېسکی قوراللنی تاپیب آلگن بیر تېمیر-تېرسک ییغووچی اونی بۉلکلرگه اجرهتیب، قِسملریدن فایدهلنیشگه اورینگن پیتده یوز بېرگن.
هلاک بۉلگنلر آرهسیده عیناً شو تېمیر-تېرسک ییغووچی و ینه بیر کتّهلر هم بارلیگی بیلدیریلگن.
جراحتلنگنلر شفاخانهگه یېتکزیلگن، بیراق اولر نینگ حالتی حقیده باتفصیل معلومات بېریلمهگن.
افغانستانده پارتلهمهگن اۉق-داریلر و ماینلر پارتلشی کۉپ باره بالهلر و تینچ اهالی نینگ حیاتیگه ضامن بۉلیب کېلماقده.
اۉنلب ییللیک اوروشلر نتیجهسیده مملکت نینگ اَیریم حدودلری ماین و پارتلاوچی مادّهلر بیلن افلاسلنگن. بیرلشگن ملتلر تشکیلاتی معلوماتیگه کۉره، افغانستانده۳ میلیون۳۰۰ مینگگه یقین آدم ماینلنگن یاکه پارتلاوچی مادّهلر بیلن ضررلنگن حدودلردن بیر کیلومتر رادیوسده یشهیدی.
