ننگرهاردن آلینگن معلوماتلرگه کۉره، اوشبو ولایت بیلیم یورتی نینگ طبیات فاکولتهسی محصللریدن بیری اۉز جانیگه قصد قیلیب، حیاتدن کۉز یومگن.
منبعلر نینگ بیلدیریشیچه، محصل فضل عظیم اسملی ییگیت بۉلیب، تیناوون (یکشنبه، ۱۷-جوزا) جلالآباد شهرینینگ تۉرتینچی ناحیهسی انگورباغ منطقهسیده تۉپّانچه بیلن اۉز جانیگه قصد قیلگن.
منبع اوشبو حادثه نینگ اساسي سببی صفتیده اقتصادي قیینچیلیکلرنی کۉرستگن.
حاضرچه ننگرهاردهگی طالبان رسميلری واقعه تفصیلاتلری، اونینگ سببلری و باشقه جهتلر یوزهسیدن رسمي بیانات بېرمهگن.
سۉنگّی ییللرده افغانستانده اۉز جانیگه قصد قیلیش حالتلری سېزیلرلی درجهده قید اېتیلماقده. روحي سلامتلیک معمالری، دوالنیش امکانیتلری نینگ چېکلنگنلیگی، شونینگدېک قشّاقلیک و ایشسیزلیکدن کېلیب چیقهدیگن روحي باسیملر بوندهی حادثهلرنینگ اساسي عامللری صفتیده تیلگه آلینماقده.
