طالبلرنینگ محلي مسووللری معلوماتیگه کۉره، ۱۴۰۵-مالی ییل باشیدن بویان پنجشیر ولایتیده قریب۲۰ مینگ قیراط زمرد ساتیلگن.
ملی رادیو و تلویزیون بوگون (دوشنبه،۱۸جوزا) اعلان قیلگن خبرده ایتیلیشیچه، پنجشیرنینگ۱۹ مینگ۸۴۶ قیراط زمردی کیماشدی سودالری آرقهلی 424 مینگ امریکا دالریدن آرتیق مبلغ گه ساتیلگن.
مذکور قیمتبها تاشلر ۱۴۰۵-مالی ییلی نینگ باشلنیشی ۱۴۰۴-ییل ۱-حوتدن بویان، یعنی سۉنگگی اوچ یریم آی دوامیده ساتووگه چیقریلگن.
طالباننینگ پنجشیردهگی واليسی محمد آقا حکیم نینگ ایتیشیچه، حاضرگچه ولایتده قریب۶۰۰ ته کان میدانی انیقلنگن بۉلیب،۱۷ توردهگی فایدهلی قزیلمهلر همده قیمتبها و یریم قیمتبها تاشلر، جملهدن زمرد، آلتین و بیروج رۉیخطگه آلینگن.
محلي طالبان وکیللری پنجشیر کانلریده قزیب آلیش بیلن باغلیق ایشلرده تخمیناً۱۵ مینگ کیشی بند اېکنینی تأکیدلهماقده.
بیراق سیاسي حزبلر و طالبان مخالفلری مملکت کانلرینینگ قزیب آلینیشی جریانینی «کانلرنینگ تالان-تاراج قیلینیشی» دېب بهالب، ملي و خلقارا کمپنیلرنی بوندهی بیتیملرده اشتراک اېتمسلیککه چقیریب کېلماقده.
محلي اهالی اېسه طالبلر کانلرنی نظارتسیز و حددن تشقری قزیب آلهیاتگنی، آلینگن درآمدلرنینگ محلي اهالیگه یېتیب بارمهیاتگنی همده آستقورمه لایحهلریگه سرمایه کیریتیلمهیاتگنیدن شکایت قیلماقده.
