بیرلشگن ملتلر تشکیلاتینینگ افغانستاندهگی یاردم ادارهسی (یوناما) نینگ معلوم قیلیشیچه، اېرتهگه (دوشنبه، ۱۸-جوزا) بیرلشگن ملتلر تشکیلاتینینگ خوفسیزلیک کېنگشی افغانستان مسألهسی بۉییچه مخصوص ییغیلیش اۉتکزهدی.
اوشبو ییغیلیشده یوناما اۉرینباسری همده سرپرستی جورجت گانیون افغانستاندهگی موجود وضعیت یوزهسیدن بیرلشگن ملتلر تشکیلاتی خوفسیزلیک کېنگشی اعضالریگه گزارش تقدیم اېتهدی.
ییغیلیش کابل وقتی بیلن دوشنبه کونی ساعت۶:۳۰ ده بۉلیب اۉتهدی.
شونینگدېک، بیر هفته اۉتیب یوناما نمایندهلیک مدتینی اوزهیتیریش مسألهسیگه بغیشلنگن ینه بیر ییغیلیش اۉتکزیلیشی رېجهلشتیریلگن.
بیرلشگن ملتلر تشکیلاتی خوفسیزلیک کېنگشینینگ افغانستان بۉییچه سۉنگّی ییغیلیشی تۉرت آی آلدین اۉتکزیلگن اېدی. اۉشنده یوناما نمایندهلیگی اوچ آیگه اوزهیتیریلگن و جورجت گانیون مملکتدهگی وضعیتنی «یامان» دېب بهالهگن اېدی. گانیون خانیم نینگ تأکیدلشیچه، طالباننینگ عیاللر تعلیمی و ایش فعالیتیگه قۉیگن چېکلاولری نهفقط عیاللر و قیزلرگه، بلکه بوتون جمعیتگه سلبي تأثیر کۉرستماقده. شونینگدېک، انسانپرورلیک یاردملری حجمی نینگ قیسقریشی یاردم تشکیلاتلرینینگ «آرتیب بارهیاتگن قشّاقلیک و آچرچیلیک»که قرشی کورهشیش امکانیتلرینی هم چېکلب قۉیماقده.
