طالبلر عدلیه وزیرلیگینینگ اعلان قیلیشیچه، مذکور گروهنینگ شمال زونیدهگی اختصاصی محکمهسی جوزجان ولایتی مرکزی شبرغان شهریده ۱۴.۵ جریب یېرنی «امیرلیک ملکی» دېب اعلان قیلدی.
وزیرلیک بوگون (شنبه،۱۶جوزا) اعلان قیلگن بیاناتیده اوشبو یېرلر جوزجان مرکزیدهگی «جگدلک ککرتک جر کودی» منطقهسیده جایلشگن ایکّی یېر اوچستکهسیدن عبارت اېکنینی بیلدیرگن.
بیاناتگه کۉره، مخصوص محکمه یېرلردن فایدهلنووچیلرنینگ حجتلری، کمیسیون ماتریاللری، کۉچمس ملک ادارهلری معلوماتلری همده تېگیشلی مؤسسهلردن آلینگن اخباراتلرنی کۉریب چیقیب، مذکور یېرلرنینگ برچهسی دولت (امیرلیک) ملکی اېکنلیگی حقیده قرار چیقرگن.
مذکور وزیرلیک اعلامیهسیگه موافق، «یېرنی غصب قیلیشنینگ آلدینی آلیش و غضب بۉلگن یېرلرنی قیتریش کمیسیون» اوشبو یېر دوسیهسی شمال زونیدهگی غضب بۉلگن امیرلیکنینگ غضب یېرلر قضیهلری بۉییچه اختصاصی محکمهسیگه تاپشیریلگن.
طالبان بیاناتیده قید اېتیلیشیچه، اوشبو کمیسیون مذکور ایشنی اوّلراق شِمال منطقهسیدهگی امیرلیک یېرلرینی ناقانوني اېگهللش بیلن باغلیق ایشلرنی کۉریب چیقووچی مخصوص محکمهگه یوبارگن اېدی.
طالبان افغانستانده حاکمیتنی قَیته اېگهلگنیدن بېری مملکتنینگ تورلی ولایت و شهرلریده مینگلب جېریب یېرلرنی «امیرلیک ملکی» دېب اعلان قیلیب کېلماقده.
بیراق یېر اېگهلری و تورر جای مجموعهلری اېگهلری طالبلر محکمهلری اولرنینگ حجتلرینی یېترلیچه و خالصانه کۉریب چیقمهیاتگنینی، چیقریلهیاتگن قرارلر اېسه عدالتلی همده مستقل اېمسلیگینی تأکیدلب کېلماقده.
