تیناوون کابلده بیرلشگن ملتلر تشکیلاتی ایشلاوچیسی فرشته عمادینینگ اۉلدیریلگنی حقیدهگی خبرلر ترقهلگنیدن سۉنگ، افغانستاندهگی بیرلشگن ملتلر تشکیلاتی نینگ یاردم ادارهسی (یوناما) اونینگ وفات اېتگنینی تصدیقلهدی.
یوناما بوگون (جمعه، ۱۵ جوزا) نشر قیلگن پیامیده همدردلیک بیلدیریب، عمادینینگ وفاتی مناسبتی بیلن تعزیه اظهار اېتگن همده اونینگ عایلهسی شخصي حیاتیگه حرمت بیلن یاندهشیشگه چقیرگن.
مذکور اداره عمادینینگ وفاتی سببی حقیده هېچ قندهی معلومات بېرمهگن.
یوناما خبریگه کۉره، فرشته عمادی بیرلشگن ملتلر تشکیلاتینینگ جمعیت جمغرمهسی ایشلاوچیسی بۉلگن.
تیناووندن بویان اجتماعي ترماقلرده فرشته عمادی کابلده اۉلدیریلگنی حقیده خبرلر ترقلماقده. اوشبو دعوا قیلینگن قاتللیک قندهی صادر اېتیلگنی و اونینگ آرتیده کیملر تورگنی حقیده حاضرچه قۉشیمچه معلوماتلر موجود اېمس.
طالبان حاضرگچه اوشبو خبرلرگه مناسبت بیلدیرمهگن.
