افغانستانلیک شیعه مرجعی تقلیدی آیتالله محمد اسحاق فیاض وفات اېتدی
محمد اسحاق فیاضنینگ کابلدهگی ادارهسی بوگون (۱۴ جوزا، پنجشنبه) اوشبو دیني عالِمنینگ وفاتی حقیده خبر بېردی.
بیاناتده شوندهی دېییلهدی: «بویوک دیني مرجع، آیتالله العظمی شیخ محمد اسحاق فیاضنینگ وفاتی حقیدهگی خبرنی چوقور قیغو بیلن قبول قیلدیک. او مبارک عمرینی اسلام دینیگه خدمت قیلیش، اسلامي علملرنی اۉقیتیش، عالِم و فضیلتلی شخصلرنی تربیهلش، اهلی بَیت معرفتینی یاییش همده مقّدس شریعت احکاملرینی بیان اېتیش یۉلیده صرفلهدی.»
فیاض ۱۳۰۹- قویاش ییلده غزنی ولایتینینگ جاغوری اولسواللیگیده هزاره عایلهسیده توغیلگن بۉلیب، ۹۶یاشیده عراقنینگ نجف شهریده وفات اېتدی.
سۉنگّی کونلرده اونینگ محلي وکالتخانهلری و دیني مدرسهلری فیاضنینگ ساغلیغی یامانلشگنی حقیده معلومات بېرگن اېدی.
محمد اسحاق فیاض محلي دیني مکتبلرده، کېینچهلیک اېسه عراقدهگی دیني علم مرکزلریده تحصیل آلیب، شیعهلیکدهگی اېنگ یوقاری دیني مرتبهلردن بیری بۉلگن مرجع تقلید یا اجتهاد درجهسیگه اېریشگن ایلک افغانستانلیک شیعه علمالردن بیری اېدی.
او افغانستان شیعهلری آرهسیدهگی هزاره کېلیب چیقیشلی کم سانلی دیني عالِملردن بیری بۉلیب، اجتهاد مقامیگه اېریشگن اېدی.
