میدان وردکده طالبلر والیسی نینگ دفتری مذکور ولایت سیدآباد اولسواللیگیده یوز بېرگن ترافیک حادثه نتیجهسیده اوچ کیشی جان بېرگن و باشقه یېتّی کیشی اېسه یرهلنگنینی معلوم قیلدی.
میدان وردکده طالبلر والیسی دفترینینگ اعلامیهسی اساسیده، اوشبو حادثه بوگون توشدن سۉنگ (چهارشنبه ۱۳ جوزا) کابل – قندهار یۉنلیشیده جایلشگن سیدآباد اولسواللیگینینگ «دشت توپ زرنی» منطقهسیده یوز بېرگن.
اعلامیهده ایتیلیشیچه، اوشبو حادثه بیر تیلر ایکّی ته کرولا تیپلی موتر بیلن تۉقنشگنی نتیجهسیده یوز بېرگن. اۉلگنلر ایچیده بیر عیال و یرهلنگنلر ایچیده هم بیر عیال بۉلگن.
حادثهده یرهلنگنلر دوالهنیش اوچون میدان وردک ولایتی شفاخانهسیگه یېتکزیلگن.
میدان وردکده طالبلر والیسی دفتری حادثه قندهی یوز بېرگنی خصوصیده تفصیلات بېرمهگن.
