افغانستان عیاللری بۉییچه خلق محکمهسی هیئتی جَنوبي افریقاگه سفری دوامیده مدنی فعاللر و انسان حقلری فعاللری، جملهدن، آپارتایدگه قرشی کورهشگنلر بیلن اوچرهشدی.
هیئت اوچرهشوولرده افغانستاندهگی عیاللر حقلرینینگ بوگونگی حالتی حقیده معلومات بېریب، جَنوبي افریقا تشکیلاتلری و فعاللریدن همجهتلیک، قۉللب-قوّتلش همده تجربه المشیشنی سۉرهدی.
رواداری انسان حقوقلری تشکیلاتی جَنوبي افریقادهگی تشکیلاتلر، فعاللر و کورهشچیلرنینگ افغانستاندهگی انسان حقلری وضعیتیگه بۉلگن قیزیقیشی کېنگ کۉلملی و روحلنتیرووچی بۉلگنینی معلوم قیلدی.
تشکیلاتگه کۉره، جَنوبي افریقا خلقینینگ عدالتسیزلیک و آپارتایدگه قرشی کورهش تجربهسینی حسابگه آلگنده، اوشبو مملکتنینگ دنیا بۉیلب عدالت اوچون آلیب باریلهیاتگن کورهشلر بیلن همجهتلیگی طالبان ظلمی و باسیمیگه قرشی گوبل ائتلافنی شکللنتیریش یۉلیدهگی مهم قدم صفتیده بهالنیشی ممکن.
رواداری تشکیلاتی باشلیغی شهرزاد اکبر دنیا یېتکچیلرینینگ اَیریملری منفعت یاکه طرفکشلیک سبب جَنوبي افریقادهگی آپارتاید توزومینی عادتي حال صفتیده قبول قیلیشگه اورینهیاتگن بیر پیتده، دنیانینگ تورلی بورچکلریدهگی جسور عیاللر و اېرککلر بو توزومگه قرشی تورگنینی تأکیدلهدی.
اونینگ سۉزلریگه کۉره، بوگون جَنوبي افریقانینگ اېرکینلیک و عدالت اوچون کورهشگن فعاللری افغانستان عیاللری بیلن بیردملیک نمایان قیلماقده.
انسان حقوقلری فعاللری طالباننینگ عیاللر و قیزلرگه نسبتاً سیاستینی «جنسیتی آپارتاید» دېب بهالب، خلق ارا همجعیتدن اونی رسماً تن آلیشنی طلب قیلیب کېلماقده.
