طالبلرنینگ بلخ ولایتیدهگی والیسی ادارهسینینگ معلوم قیلیشیچه، اوزبېکستان قربان هییت عرفهسیده افغانستانگه۳۲۰ تُن انسانپرورلیک یاردمی یوبارگن.
مذکور اداره خبریگه کۉره، یاردملر بوگون (دوشنبه،۴ جوزا) حیرتان بندری آرقهلی آلیب کېلینگندن سۉنگ، طالبلر رسميلریگه تاپشیریلگن.
یوک ترکیبیگه اون، یاغ، گوروچ، مال گۉشتی، ماکارون، شکر و نخود کیرهدی.
اۉزبېکستان نینگ افغانستان ایشلری بۉییچه نمایندهسی عصمتالله اېرگاشیف نینگ ایتیشیچه، بو یاردملر اۉزبېکستان و افغانستان اۉرتهسیدهگی یخشی قۉشنیچیلیک، دۉستلیک و برادرلیک رمزی دیر.
اونینگ ینه قۉشیمچه قیلیب ایتیشیچه، مملکتی اوشبو یاردم آرقهلی افغانستاننی قۉللب-قوّتلش بارهسیدهگی مجبوریتینی نمایان قیلهیاتگنینی ایتدی.
طالبلرنینگ بلخدهگی والیسی اۉرینباسری اېسه اۉزبېکستان یاردمیدن منّتدارلیک بیلدیریب، بو یاردملر شمالي افغانستاندهگی احتیاجمندلرگه شفّاف طرزده ترقهتیلیشینی تأکیدلهدی.
