پاکستان ارتشی خیبرپختونخوا ایالتینینگ اورکزی منطقهسیده تلافیجویانه بیر عملیاتده جنگریلردن ۳۰تهسی نابود قیلینگنینی اعلان قیلدی.
پاکستان اردوسینینگ معلوم قیلیشیچه، اوشبو جنگریلرنینگ یېتینچی اکتبرده ۱۱ امنیتی عسکر اۉلدیریلیشیگه قۉلی بۉلگن.
پاکستان اردوسینینگ خبرنامهسیده اورکزی منطقهسی جمال مایا ساحهسیدهگی تلافیجویانه عملیات جریانیده آغیر قوراللی تۉقنشوودن سۉنگ، «هندحمایتیده بولگن ۳۰خوارج» اۉلدیریلگن دېب معلوم قیلدی.
پاکستان اردوسی نینگ قۉشیمچه قیلیشیچه، «هند حمایتی آستیده بولگن هر بیر خوارجنی یۉق قیلیش» عملیاتی حاضر بجریلمقاده دیر. شونینگدېک پاکستان دولتی، پاکستان طالبان تحرکی (تیتیپی)نی هند حمایتی آستیده بۉلگن خوارج دېب انگلهیدی.
بوندن ایکّی کون آلدین اورکزیده تیتیپی نینگ بیر هجمیوده پاکستان ارتشی نینگ9 عسکری شامل ایکّی قوماندانی اۉلدیریلگن اېدی.
پاکستانلیک بلند مرتبهلی رسمیلر افغانستانده طالبلر حاکمیت تېپهسیگه کېلگندنبیری پاکستانده هجوملر کۉزگه کۉرینرلی درجهده آشگن دېدیلر.
پاکستان دولتی نېچه مرته طالبلردن جنگریلرگه افغانستان توپراغیدن فایدهلهنیشگه رخصت بېرمسلیکلرینی سۉرهگن. لېکن طالبلر اېسه افغانستان توپراغی هیچ بیر مملکتگه قرشی ایشلهتیلمهیدی دېب اورغولهیدیلر.
