بیرلشگن ملتلر تشکیلاتی جمعیت صندیغینینگ معلوم قیلیشیچه، افغانستانده۱۵ مینگ نفر عیال و قیز « توغیلیش آقمهسی» کسللیگیگه چهلینگن.
مذکور تشکیلات بوگون (شنبه، 2-جوزا) «توغیلیش آقمهسی برهم بېریش خلقارا کونی» مناسبتی بیلن اعلان قیلگن بیاناتیده، افغانستان اوشبو کسللیک ترقهلیشی بۉییچه دنیاده بېشینچی اۉرینده اېکنینی بیلدیرگن.
بیرلشگن ملتلر تشکیلاتی اهالیشناسلیک جمغرمهسی بو کسللیک معلوللیک و اجتماعي یکّهلنیشگه سبب بۉلیشینی، اونینگ آلدینی آلیش و دوالش اوچون اېسه طبي خدمتلر، خوفسیز جراحلیک همده ضرور طبي واسطهلرگه کیریش امکانیتی کېرهکلیگینی تأکیدلهگن.
توغیلیش آقمهسی (Obstetric Fistula) اوزاق و آغیر توغروق عاقبتیده یوزگه کېلهدیگن کسللیک بۉلیب، او سيدیک یاکه نجسنینگ دایمي و نظارت قیلیب بۉلمهیدیگن آقیب چیقیشیگه سبب بۉلهدی.
بو کسللیک جراحلیک یۉلی بیلن دوالنیشی ممکن. کۉپلب تشکیلاتلر بېمارلر نینگ بېپول اۉپراسیون خدمتلریدن فایدهلنیشی مهملیگینی قید اېتماقده.
بو حالت طالبان افغانستاننی قَیته اېگهلهگنیدن بېری عیاللرنینگ ساغلیقنی سقلش خدمتلریگه کیریشیگه کېنگ کۉلملی چېکلاولر جاري قیلگن بیر پیتده یوز بېرماقده. اَیریم ولایتلرده اېسه اېرکک همراه محرمسیز عیال بېمارلرنی دوالش منع قیلینگن.
