افغانستان نینگ حاضرده طالبان نظارتیدهگی طبيعي آفتلرگه قرشی کورهش ملي باشقرمهسی سۉنگّس۴۸ ساعت ایچیده مملکتده طبيعي آفتلر، جملهدن سېل کېلیشی، بۉران، چقماق و تاغ کۉچیشی عاقبتیده۲۸ کیشی جان بېرگن، ینه ۱۰ کیشی یرهلنگنینی معلوم قیلدی.
مذکور باشقرمه مطبوعات سۉزلاوچیسی محمد یوسوف حماد بوگون (شنبه، ۲-جوزا) بیر ویدیو نشر قیلیب، اوشبو قربانلر کابل، پروان، کاپیسا، خوست، پکتيا، میدان وردهک، ارزگان، قندهار، هرات، بادغیس، سمنگان، سرپل، بغلان، تخار، بدخشان، لغمان و کنر ولایتلریده قید اېتیلگنینی ایتدی.
اونینگ قۉشیمچه قیلیشیچه، طبيعي آفتلر عاقبتیده۱۷۶ ته اوی تۉلیق، ینه۵۳۴ته اوی قسماً ویران بۉلگن.
حمادنینگ ایتیشیچه، سۉنگّی ایکّی کون ایچیدهگی طبيعي آفتلر عاقبتیده۲۸ باش چاروا ماللری هم نابود بۉلگن، یوزلب جېریب قیشلاق خۉجهلیگی یېرلری، یۉللر و باغلر ضرر کۉرگن.
جاري قویاش ییل دوامیده مملکتنینگ تورلی ولایتلریده کوچلی یغینگرچیلیک، ویرانکار سېللر، بۉرانلر، یېر کۉچیشی و چقماق حادثهلری کوزهتیلماقده.
طالبلرنینگ طبيعي آفتلرگه قرشی کورهش باشقرمهسی ثور آیی نینگ ۳-کونیده اوشبو حادثهلر عاقبتیده هلاک بۉلگنلر سانی۲۱۴ نفرگه، جراحتلنگنلر سانی اېسه۳۰۰نفرگه یېتگنینی بیلدیرگن اېدی.
مملکتده کوچلی یاغینگرچیلیکلر بیر نېچه ییل دوام اېتگن قورغاقچیلیکدن کېین یوز بېرماقده. بو حالت آدملرنینگ قورغاقچیلیک توگهشیگه بۉلگن امیدینی آشیرگن بۉلسه-ده، کتّه تلفات و ضررلرنی هم کېلتیریب چیقرماقده.
