هند تشقی ایشلر وزیرلیگینینگ معلوم قیلیشیچه، اوشبو مملکت سیل، تیتانوس و دیفتریه واکسینلری اوچون ضرور بۉلگن ۲۰ تُن قوروق موادلرنی افغانستانگه یوبارگن.
هند تشقی ایشلر وزیرلیگی سۉزلاوچیسی راندهیر جیسوال بوگون (جمعه،۱-جوز) ایتیشیچه، اوشبو یوک بالهلر اېملش دستورینی قۉللب-قوّتلش مقصدیده یوباریلگن و کابلگه یېتکزیلگن.
اونگه کۉره، هند افغانستان خلقینی قۉللب-قوّتلشگه صادق بۉلیب قالهدی و کېلگوسیده هم شونگه اۉخشش کمکلرنی دوام اېتتیرهدی.
هند آلذیت هم افغانستانگه کۉپلب دارو-درمان و طبي اوسکونهلر یوبارگن.
بو یاردملر آقیمی، معلوماتلرگه کۉره، طالبان پاکستان بیلن سیاسي کېسکینلیک سببلی پاکستاندن دارو وارد قیلیشنی تۉختهتگنیدن کېین فعاللشگن.
