پاکستان مدافعه وزیری خواجه محمدآصف طالبلر بیلن کېلیشیلگندن سۉنگ «افغانستاندن پاکستان توپراغیگه تهدید بۉلگن تروریسم زنجرهسی تېزلیکده تۉختهتیلیشی ممکن دېب اعلان قیلدی.»
قطرده طالبان بیلن مذاکره اۉتکزیشده پاکستانلیک هیاتگه باشچیلیک قیلگن محمد آصف، بو مذاکرهلرده هر ایکّی تامان اۉرتهسیده آتیش کېسین اوستیده کېلیشیلگنینی تیلگه آلدی.
پاکستان مدافعه وزیرینینگ ایکس صحیفهسیگه یازیشیچه: «افغانستاندن پاکستانگه بۉلگن تروریسم زنجرهسی تېزلیکده تۉختهتیلهدی. هر ایکّی قۉشنی مملکت بیر-بیراولری نینگ یورتلریگه حرمت قیلهدیلر.»
شونینگدېک او بو مملکتنینگ طالبلر بیلن کېیینگی مذاکرهسی ۲۵اکتبرده ترکیهنینگ استانبول شهریده اۉتکزیلیشی ریجهلشتیریلگن و اونده کیچیک مسالهلر اوستیده بحث بۉلیشی کوتیلهدی.
پاکستان مدافعه وزیری مساله بۉییچه قطر و تورکیهنینگ واسطهچیلیک رولیدن منتدارچیلیک بیلدیردی.
طالبان سۉزلاوچیسی ذبیحالله مجاهد بو گروه نینگ پاکستان بیلن آلیب بارگن مذاکرهلریده «هر ایکّی مملکتنیگ هیچ بیری بیر-بیراویگه قرشی دشمنلیک چاره کۉره آلمهیدی و پاکستان دولتیگه قرشی فعالیت قیلهدیگن گروهلرنی حمایت قیلمسلیک اوستیده قرار قبول قیلیندی دېدی.»
اونینگ بوگون اېرتلب (یکشنبه ۲۷میزان) بیر اعلامیهده ایتیشیچه، طالبلر و پاکستان نمایندهلری اۉرتهسیده قطرده آلیب باریلگن مذاکره بیر کېلیشووگه قۉل قۉییلیشی بیلن اۉز پایانیگه یېتگن.
مجاهدنینگ قۉشیمچه قیلیشیچه، ایکّی تامانلمه کېلیشوو اساسیده هر ایکّی تامان تینچلیک، بیر-بیراوگه حرمت و قۉشنیچیلیک اېزگو علاقهلر حقیده تاکیدلهگنلر.
شونینگدېک هر ایکّی طرف قیینچیلیک و مسالهلر گپلشوو آرقلی حل بۉلیشی و بوتونله معنالی آتیش کېسین اوستیده کېلیشیب آلگنلر دیب اورغولهدی مجاهد.
مهاجدکه کۉره، طالبلر و پاکستان امنیتی کوچلر، تینچ اهالی و بیر-بیراولری نینگ تاسیساتلریگه قرشی هیچ قندهی هجوم اویوشتیرمسلیک اوستیده کېلیشیلگن.
اونینگ کۉپهیتیریشیچه، هر ایکّی تامان نینگ ادعالری تېکشیریلیشی و کېلیشوو عملگه آشیریلیشی اوچون کېلهجکده قطر و تورکیه مملکتلری واسطهچیلیگی بیلن بیر مکانیسم ایجاد بۉلیشی ممکن.
