«هشت صبح» کوندهلیگی، مملکتنینگ اېنگ کۉپ اۉقووچیگه اېگه عامهوي اخبارات واسطهلریدن بیری بۉلیب، حاضر سورگونده فعالیت یوریتماقده و اۉز فعالیتینینگ ییگیرمنچی ییلیگه قدم قۉیدی.
کوندهلیک بوگون (جمعه، ۱-جوزا) «ییگیرمه ییل روشنگرلیک» سرلوحهلی مقاله نشر قیلیب،۲۰ ییللیک فعالیتینی نشانلهیاتگنینی معلوم قیلدی.
«هشت صبح» کوندهلیگینینگ یازیشیچه، بو ییللر دوامیده خلق آوازی بۉلیشگه حرکت قیلگن و « تحقیقی گزیتهچیلیک، میدانی گزارشلر، تحلیل همده صحبتلرگه تهیهنگن حالده افغانستان، منطقه و دنیا واقعلیکلرینی انیقراق تصویرلشگه اینتیلگن.»
کوندهلیک ینه شونی قۉشیمچه قیلگن: «سۉنگگی ییگیرمه ییل دوامیده تورلی تجربهلرنی باشدن کېچیردی و کۉپلب سیناو- و پست-بلندلیکلرنی کۉردی. اما بو تجربهلرنینگ برچهسیدن سبق آلدی و برچه قیینچیلیک همده ترتیبسیزلیکلرگه قرهمهی، هنوز تیک توریب، واقعهلرنی حکایه قیلیب، اېرکینلیک و عدالت اوچون کورهشیب کېلماقده.»
«هشت- صبح» کوندهلیگی۱۳۸۶ هجري-شمسي ییلی نینگ جوزا آییده مملکتنینگ بیر قطار تنیقلی ژورنالیستلری همده انسان حقلری و عاموی اخبارات واسطهلری فعاللری تامانیدن تشکیل اېتیلگن.
او افغانستاننینگ اېنگ کۉپ اۉقیلهدیگن گزېتهلریدن بیری بۉلیب، حاضرده فارسي، پشتو، انگلیس و اۉزبېک تیللریده فعالیت یوریتماقده.
