محلي منبعلر کنر ولایتیده ۱۰ یاشلی باله سووده چۉمِیلهیاتگن پیتده چۉکیب کېتیب، جان بېرگنینی معلوم قیلماقده.
منبعلرنینگ ایتیشیچه، اوشبو حادثه بوگون(چارشنبه، ۳۰-ثور)توشدن کېین ولایتنینگ «چپه دره» اولسواللیگی «کندی» قیشلاغیده صادر بۉلگن.
منبعلر بالهنینگ جسدی حلی تاپیلمهگنینی ایتیب، اونینگ عایلهسی دریا بۉییده یشاوچی اهالیدن جسدنی قیدیریشده یاردم بېریشنی سۉرهگنینی بیلدیرگن.
کنردهگی طالبان محلي مسووللری حاضرچه اوشبو بالهنینگ چۉکیب کېتگنی حقیده ایضاح بېرمهگن.
جاري هجري-شمسي ییل دوامیده دریالر و سوو انبارلریده چۉمِیلیش وقتیده آدملرنینگ چۉکیب کېتیشی بیلن باغلیق بیر نېچته حالتلر قید اېتیلگن.
احتیاطسیزلیک همده دریالر یقینیده قوتقروو و تېزکار یاردم اسکونهلرینینگ یۉقلیگی اوشبو اۉلیملرنینگ اساسي سببلری صفتیده ایتیلماقده.
