بریتانیا افغانستان ایچکریسیدن سابق همکارلرینی کۉچیریش جریانینی تۉختهتدی، بیراق اوچینچی دولتلردن مراجعت قیلووچیلرنی قَیته جایلشتیریش دستوری همان دوام اېتماقده.
«ژورنال دفاعی بریتانیا» دوشنبه کونی (۲۸-ثور) خبر بېریشیچه، بریتانیا اوردوسی و مؤسسهلری بیلن افغانستانده همکارلیک قیلگن سابق خادملرنی قَیته جایلشتیریش دستوری۲۰۲۸-ییل دیکابریگچه تۉلیق یکونلنیشی رېجهلشتیریلگن.
ژورنال بریتانا مدافعه تدارکات وزیری لوک پولارد دن نقل کېلتیریب یازیشیچه: «مملکت ایچکریسیدن قَیته جایلشتیریش دستوری توگهدی و افغانستاندن چیقیشنی ایستهگن ملَکهلی شخصلر اوچینچی دولتگه یېتیب باریش یۉلینی اۉزلری تاپیشلری کېرهک.»
اونینگ قۉشیمچه قیلیشیچه، بو شخصلر ۲۰۲۷-ییل اپریل آیی آخریگچه، یعنی کۉپی بیلن ۱۲ آی ایچیده بریتانيا ویزه مرکزلریدن بیریگه یېتیب باریش امکانیتیگه اېگه بۉلهدی.
لوک پولارد شوندهی دېگن: «شخصلر خوفسیز اوچینچی دولتگه یېتیب کېلگنیدن کېین، بیز۲۰۲۸-ییل دیکابریگچه عملدهگی یاردملریمیزنی دوام اېتتیرهمیز.»
حاضرچه افغانستان ایچیده قنچه مراجعتچی قالهیاتگنی انیق اېمس. اما لوک پولارد نینگ ایتیشیچه، بریتانيا حکومتی تخمینیگه کۉره، افغانستان و قۉشنی مملکتلرده جمعی تۉقّیز مینگ کیشی هنوز بریتانياگه کۉچیریلیشینی کوتماقده.
بریتانياده باشپناه سۉرهیاتگن افغانستانلیکلرنینگ ایشلری سانی تخمیناً ۲۵ مینگدن ۱۷ مینگدن کمراق درجهگه توشگن.
بریتانیا 2025-ییل جولای آییده ینگی عریضهلرنی قبول قیلیشنی تۉختهتگن اېدی و اوّل تاپشیریلگن ایشلر، جملهدن لاگېرلرده یشهیاتگنلرنینگ پروندهلری همان کۉریب چیقیلماقده.
سۉنگگی تۉرت ییل دوامیده افغانستانلیک محلي همکارلرنی حربي لاگېرلرده جایلشتیریب کېلگن بریتانيا حکومتی اېندی بو دستورنی یاپگن. حاضر اولر فقط مخصوص مهمانخانهلرده سقلنماقده و اولرنینگ عریضهلری قبول قیلینیشی یاکه رد اېتیلیشی بۉییچه یکوني قرار کوتیلماقده.
