بیرلشگن ملتلر تشکیلاتینینگ انسانپرورلیک یاردملرنی موافقلشتیریش ادارهسی (اوچا) دانمارکنینگ افغانستانگه۵.۸ میلیون دالر مقداریده یاردم بېرگنینی معلوم قیلدی.
اوچانینگ افغانستاندهگی نمایندهلیگی بوگون (دوشنبه، ۲۸ ثور)ایکس اجتماعی ترماغیده بیانات اعلان قیلیب، اوشبو یاردم اوچون دنمارک حکومتیگه منّتدارلیک بیلدیردی.
اوچانینگ معلوم قیلیشیچه، دانمارک۳۵ میلیون کرون یعنی تخمیناً۴.۹میلیون اقش دالرینی «افغانستان بشر دوستانه صندیغی»گه اجرهتگن.
بیرلشگن ملتلر تشکیلاتی معلوماتیگه کۉره، جاري ییلده ۲۲ میلیون کیشی انسانپرولیک یاردمگه محتاج.
تشکیلات بو وضعیتنی برطرف اېتیش اوچون۱.۷۱میلیارد دالر سۉرهگن، بیراق ییلنینگ بیرینچی چارهگیده ضرور مبلغلرنینگ اتیگی۱۰ فایزی تأمینلنگن.
امریکانینگ تشقی یاردملرینی تۉختهتگنیدن سۉنگ، افغانستانده بیرلشگن ملتلر تشکیلاتی نظارتی آستیدهگی انسانپرورلک یاردملر جدّي مالیوي تنقیصلیککه دوچ کېلماقده.
