«بالهلر فلجسیز افغانستان» دستورینینگ معلوم قیلیشیچه، بالهلر فلجی یا پولیوگه قرشی ینگی دور اېملش دستوری بوگون (دوشنبه۲۸ ثور) باشلنهدی
رېجهگه کۉره، تۉرت کون دوامیده مملکت نینگ۲۰ ولایتیدهگی۱۹۴ اولسواللیگیده۵ یاشگچه بۉلگن۸.۳ میلیون باله اېملنهدی.
بو ۲۰۲۶ییل باشیدن بېری افغانستانده اۉتکزیلهیاتگن پولیوگه قرشی ایکّینچی اېملش کمپاینی بۉلیب، او جهان ساغلیقنی سقلش تشکیلاتی بیلن همکارلیکده عملگه آشیریلهدی.
جهان ساغلیقنی سهقلش تشکیلاتی نینگ ایتیشیچه، افغانستان و پاکستان دنیاده پولیو حلی تۉلیق یۉق قیلینمهگن یگانه ایکّی دولت دیر.
اۉتگن ییلی افغانستانده بالهلر فلجی نینگ۹ ته ینگی حالتی، پاکستانده اېسه۳۰ ته حالت قید اېتیلگن.
جاري ییلده اېسه افغانستان نینگ جَنوبیدهگی قندههار و هلمند ولایتلریده۳ ته مثبت پولیو حالتی انیقلنگن.
