طالبلرنینگ میدان وردک ولایتی امنیه قوماندانلیگینینگ معلوم قیلیشیچه، مذکور ولایتنینگ نرخ اولسواللیگیده کرولا تیپلی بیر موترنینگ مازدا یوک موتری بیلن تۉقنهشووی عاقبتیده ۵ کیشی جان بېرگن.
میدان وردک ولایتی امنیه قوماندانلیگینینگ بیاناتیگه کۉره، حادثه شنبه کونی (۲۶-ثور) کابل-قندهار جایلشگن نرخ تومنیدهگی «شهیدان غوندی» منطقهسیده صادر بۉلگن.
بیاناتده ایتیلیشیچه، کرولا موترینینگ برچه۵ یۉلاوچی هلاک بۉلگن، مازدا یوک موتری هیداوچیسی اېسه جراحت آلگن.
واقعهنینگ اساسي سببی صفتیده «هیداوچیلرنینگ احتیاطسیزلیگی» کۉرسهتیلگن.
افغانستان ترافیک یۉللری، اینیقسه کابول-قندههار یۉنهلیشی، تېز-تېز آغیر ترافیک حادثهلریگه گواه بۉلهدی. ترافیک ادارهسی بو کبی هلاکتلرنینگ اساسي سببلریدن بیری صفتیده تېزلیکنی آشیریش و احتیاطسیزلیکنی تیلگه آلهدی.
