جوزجانده طالبلر امنیه قوماندانلیگینینگ سۉزلاوچی دفتری مذکور ولایت مرکزیده بیر عایلهنینگ بېش اعضاسینی اۉلدیرگنلیک عیبی بیلن ایکّی کیشی قۉلگه آلینگنینی معلوم قیلدی.
اوشبو قوماندانلیک بیر خبرنامه نشر قیلیب ایتیشیچه، مذکور حادثه پنجشنبه کېچهسی (۲۴ثور) ساعت ۱۲:۰۰ شبرغان شهرینینگ تۉرتینچی خوفسیزلیک حوزهسیگه تېگیشلی منطقهده یوز بېرگن.
خبرنامه گه کۉره، قوراللی شخصلر بیر یشش اویگه باستیریب کیریب، بیر عایلهنینگ بېش اعضاسینی کلاشنکوف بیلن قتل اېتگن و عایلهنینگ ایکّی عضوی یرهلنگن.
طالبلر امنیه قوماندانلیگی بو قضیهده قۉلی بارلیککه گمان اېتیلگن ایکّی کیشی اوشلنگنینی بیلدیرگن.
حادثهنینگ انگیزهسی هنوزگچه بېللی اېمس.
محلی منبعلر بوگون اېرتلب اطلاعات روزگه اوشبو حادثهده بیر عیال و اوچ قیزی اۉلدیریلگن و عایلهنینگ اوچ اۉغیل فرزندی یرهلنگن دېگن اېدیلر.
