روسيه ملي خوفسیزلیک کېنگشی کاتبی سرگئی شویگو، روسيه طالبلر بیلن «تۉلیق شریکلیک» یۉلیده ایشلهیاتگنینی و منطقهدهگی باشقه دولتلرنی هم بو گروه بیلن همکارلیکنی کېنگهیتیریشگه چقیرهیاتگنینی ایتدی.
رویترز خبریگه کۉره، روسیه ملی خوفسیزلیک کېنشی کاتبی سرگئی شویگو اوشبو بیاناتنی بوگون (پنجشنبه، ۲۴-حوت) شانگهای همکارلیک تشکیلاتیگه اعضا دولتلر همکسبلری بیلن بۉلگن اوچرهشووده تیلگه آلگن.
شویگو طالبان بیلن همکارلیک منطقه خوفسیزلیگی و رواجلنیشی اوچون مهم اېکنینی تأکیدلب، روسيه بو گروه بیلن خوفسیزلیک، تجارت، مدنیت و انسانپرورلیک یاردمی کبی ساحهلرنی قمرب آلگن «عملگرایانه ملاقات» آلیب بارهیاتگنینی ایتگن.
روسيه خوفسیزلیک کېنگشی کاتبی شونینگدېک، شانگهای همکارلیک تشکیلاتیدن افغانستان بۉییچه علاقه گروهینی قَیته فعاللشتیریشنی سۉرهگن.
روسيه سۉنگّی تۉرت ییلدن آرتیق وقت دوامیده طالبان بیلن کېنگ سیاسي و اقتصادي علاقهلرنی دوام اېتتیریب کېلماقده و حاضرده اوشبو گروه حکومتینی رسماً تن آلگن دنیادهگی یگانه دولت حسابلنهدی.
روسيه حکومتی ۲۰۰۳-ییلده طالباننی «ناقانوني ترورچی حرکت» دېب اعلان قیلگن اېدی. بیراق ۲۰۲۵2025-ییل اپریل آییده بو گروه نامینی ترورچی تشکیلاتلر رۉیخطیدن چیقردی و شوندن سۉنگ طالبان حکومتینی رسماً تن آلدی.
شونگه قرهمهی، روسيه رسميلری افغانستانده ترورچی گروهلر موجودلیگیدن بیر نېچه بار خواطر بیلدیرگن و طالباندن برچه ترورچی گروهلرگه نسبتاً بیر خیل یاندشوو قۉللشنی طلب قیلگن.
