خبرلرچلرنی حمایت اېتیش کمیته» نینگ معلوم قیلیشیچه، طلوع نیوز طالبلر منصور نیازی و عمران دانشنی حبسگه آلگنینی نشر قیلگنیدن سۉنگ، «طالبان نینگ اۉنلب استخبارات خادملری» اوشبو تلویزیوننینگ باش شرکتی بۉلگن موبی گروپ ادارهسیگه باستیریب کیرگن.
مذکور تشکیلات بوگون (سهشنبه،۲۲-ثور) نشر قیلگن بیاناتیده طالبلرنینگ قوراللنگن کوچلری «خادملرنینگ تیلفونلرینی مصادره قیلگنی، اولرنی بیر نېچه ساعت دوامیده سۉراق قیلگنی و نظارت آستیده اوشلب تورگنی»نی بیلدیرگن.
ژورنالیستلرنی حمایه قیلیش کمیتهسینینگ آسیا و تینچ اقیانوسی بۉییچه کوریناتوری کنال ماجومدار شوندهی دېدی، «طالبان تامانیدن منصور نیازي و عمران دانشنینگ حبسگه آلینیشی همده اوندن کېین ییریک مستقل میدیا تشکیلاتیگه کېنگ کۉلملی یوریش اویوشتیریلیشی افغانستانده ژورنالیستلر دوچ کېلهیاتگن قۉرقوو و واهمه محیطینی کۉرسهتهدی.»
اونینگ ینه قۉشیمچه قیلیشیچه، «طالبان رسميلری اوشبو حبسدهگی ژورنالیستلرنی زودلیک بیلن و هېچ قندهی شرطسیز آزاد قیلیشی همده یېتکرمه اېرکین فعالیت یوریتیشیگه ارهلشمسلیگینی تأمینلشی کېرهک.»
شونینگدیک خبرچیلرنی حمایت قیلیش کمیتهنینگ یازیشیچه، طالبان استخبارات خادملری منصور نیازی حبسگه آلینگنیدن کېین اونینگ اجتماعي ترماق اکونتلرینی نظارتگه آلیب، گۉیاکه او اوییده اېکنینی کۉرسهتهدیگن خبرلرنی جایلشتیرگن. بو اېسه باسیم و مجبورلش حقیدهگی خواطرلرنی کوچهیتیرگن.
کمیته ینه طالبان مطبوعات سۉزلاوچیسی اۉرینباسری حمدالله فطرت اوشبو ژورنالیستلرنینگ حبسگه آلینیشی یوزهسیدن یوباریلگن متنلی خبرلرگه جواب بېرمهگنینی بیلدیرگن.
طالبلر سۉنگگی کونلرده، شونینگدېک، پېیگرد خبرگزارلیگی باش محرری جاوید نیازینی هم کابلده حبسگه آلگن.
طالبان رسميلری حاضرگچه اوشبو ژورنالیستلرنینگ حبسگه آلینگنینی رسماً تصدیقلهمهگن و اولر قهیېرده سقلنهیاتگنی نامعلوملیگیچه قالماقده.
