رابعه نسیمی، کېلیب چقیشی افغانستانلیک-بریتانيالیک عیال، لندن غربیده شهری کېنگشلر سیلاولریده بریتانیا ایشچیلر حزبی نمایندهسی صفتیده سیلندی.
رابعه نسیمی «ایست اکتون» منطقهسیدن شهر کېنگشی سیلاولریده ایشچیلر حزبی نامزادی صفتیده قتنهشگن بیر مینگ ۲۰۷ آواز آلیب سیلاوده غلبه قازانگن.
او1999-ییلده، طالبلرنینگ افغانستاندهگی بیرینچی حکمرانلیگی دوریده عایلهسی بیلن لندنگه کۉچیب کېتگن و لندنده یشب کېلماقده.
رابعه نسیمی انسان حقوقلری و مهاجرت فعالی صفتیده تنیلگن همده کمبریج انگلستان بیلیم یورتیدن دوکتورلیک درجهسینی آلگن.
بریتانياده محلي شهر کېنگشلری سیلاوی پنجشنبه کونی مملکت بۉیلب اۉتکزیلدی. اوشبو سیلاوده ایشچیلر حزبی لندنده کۉپچیلیک اۉرینلرنی قۉلگه کیریتگن بۉلسه-ده، باشقه کۉپلب حدودلرده مغلوبیتگه اوچرهدی.
نایجل فاراژ رهبرلیگیدهگی«بریتانیا اصلاحات»حزبی، سیلاوده سېزیلرلی موفقیت قازانیب، کۉپلب بۉلگهلرده غلبه قیلدی.
بریتانيا باش وزیری کییر استارمر حزبی نینگ سیلاودهگی مغلوبیتینی تن آلیب، بو نتیجهلر ایشچیلر حزبی اوچون آغیر بۉلگنینی ایتدی.
مذکور سیلاو بویوک بریتانیاده 2024-ییلگی عمومي سیلاولردن کېینگی اېنگ ییریک سیلاو بۉلدی. اۉشه سیلاوده استارمر پیروز رهبرلیک قیلگن حزب غلبه قازانگن اېدی.
